مين فينا الطربش العدد الخامس والثلاثون

( ليس هناك من هو أكثر بؤساً من المرء الذي أصبح اللا قرار هو عادته الوحيدة )

( إذا لم تحاول أن تفعل شيء أبعد مما قد أتقنته , فأنك لا تتقدم أبدا )

في كل الأمور يتوقف النجاح على تحضير سابق وبدون مثل هذا التحضير لابد أن يكون هناك فشل

لا يصل الناس إلى حديقة النجاح دون أن يمروا بمحطات التعب والفشل واليأس، وصاحب الإرادة القوية لا يطيل الوقوف في هذه المحطات.

دعونا نبدأ قصتنا

جعيدى الطربش ولد الحنايشة الابن البكرى لاحد كبار بلدة (على اد لحافك مد رجليك) احد قرى الصعيد الغير موجودة على الخريطة ولا حد يعرف يوصلها اصلا جعيدى ابوة مدلعة وحالف ليطلع حاجة كبيرة يفرح بية ابوة الطربش اكبر تاجر زلوط فى الصعيد والزلوط لمن لا يعلم هوا شىء مخروطى الشكل يصنع من العسل الاسود طعمة رائع

امة ست بيت عادية كأى ست بيت فى الصعيد ربتة من صغرة على الجدعنة واهتمت بية لحد مبقى فى ثانوى

جعيدى فى ثانوى

المدرس قوم يا تختة منك لية كل واحد يقولى نفسة يطلع اية قام جعيدى قالة انا نفسى ابقى عالم او رائد فضاء نفسى اغير البلد دى المدرس استهزأ بة عالم يبن الطربش مع انة كان ازكى طلاب فصلة جعيدى كان مجتهد وشاطر وابوة وامة معلمينة من صغرة الصلاة والدين مردش على استاذة برغم انة هبط من معنوياتة

جعيدى قرر من يومها يقرأ عن النجاح والتغير وازاى الانسان يوصل لهدفة

جعيدى مش نابغة بس عندة حلم انة يبقى رائد فضاء او عالم بدأ يقرا كتب كتير ويوعى نفسة عن الموضوع دة حتى اجاباتة فى الامتحانات غير اجابات صحابة جعيدى لة صاحب اسمة درويش ابن الناظر مثال للطالب الغبى اللى مهما تهيأت لة ظروف جيدة فرص نجاحة بسيطة

فى يوم مدرس العربى بيسال درويش

اذكر معني الجمل الاتية :

( سور الصين العظيم )

( مرض جنون البقر )

اخينا تنح شويه ... وبعدين راح قايل ....

اجابة البتاعه الأولانيه ( سور الصين العظيم )

سور : هو البتاع اللي بينط من فوقه الحرامي عشان يخش البيوت ويسرق

الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه

العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب

يم : تقريبا والله أعلم ... بحر او حاجه كده

يعني الجمله كلها معناها -----

لما ينط حرامي من فوق سور ... عشان يسرق طقم صيني الكلب هايعضه .. في البحر

اجابة البتاعه التانيه ( مرض جنون البقر )

مر : دي الحاجه اللي طعمها بيجيب مراره في الحلق

..... ويخليك تفصل دماغك قوام

ض : تقريبا حاجه زياده ... شوية حبر في الورقه ولا حاجه ... مالهاش لازمه من الاعراب

جن : اللهم احفظنا من العفاريت والجن والحركات دي يارب ... احنا ناقصين مزاوله

ون : دي اصلا انجليزي ... ومعناها ( رقم واحد ) ... لغات انا برضه

ألب : دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح الترعة

قر : اختصار لكلمة ( قرنفل ) ...

يبقى معنى الجمله دي ------

المراره لما تجيلك .. هات جني ( نمبر وان ) .. عشان يطلع جبال الألب ... ويجيبلك قرنفلايه

رائع درويش برغم ان درويش مهيأ انة يكون اشطر طالب فيهم الا انة كان اغبى طالب وعلى العكس جعيدى جاب اعلى مجموع

ودخل الكلية كلية العلوم واتخصص فى قسم التخليق البيولوجى اصعب الاقسام وجاب تقدير طول السنين وعمل نظريات وماجستير ودكتوراة وجالة منحة يسافر برة

سافر اشتغل فى بلاد برة حيث العلم علم والشغل شغل التحق بوكالة اناناسا اللى بدورها عملتلة اختبار بما انهم عايزين علماء فى مجال عملة يرافقوهم فى رحلة لاكتشاف كوكو جديد اسمة تي 5

لكم ان تتخيلو ان جعيدى نجح وكان من اوائل الناس فى الاختبارات للرحلة

جعيدى ركب الصاروخ نزل بالمكوك على الكوكب يجمع بعض النباتات الغريبة غريبة جداا اللى عمل عليها ابحاث وطلع منها عقار جديد احتفظ بالسر لنفسة

جعيدى رجع من الرحلة وهوا اول رائد فضاء وعالم مصرى يطلع خارج الغلاف الجوى وقال لنفسة انا هرجع بلدى بنظرياتى وعلمى

وهجربهم على اهل بلدى

ومن ساعتها شركات رعاية كبيرة تبنت المشروع واعلانات فى التلفزيون والجرايد عن عقار السوكومنس بعد تجربتة فى مجالات عديدة

وكان شعار الحملة

سوكومنس فى الكباية سوكومنس فى الفنجان لو خدت منة شفطة هيخلى الدنيا عال

سوكومنس حياة بهدف انت تمتلك نجاحك امامك ما عليك الا شرب القليل وسماع اوامر جعيدى

سوكومنس يا جعيدى غير حياتى

عمل كتاب وسماة مين فينا الطربش بعد تجربة عملها على اهل بلدة جعيدى اول مرجع استقبلوة استقبال الابطال مكنش مهتم بدة اول منزل قالهم انا عندى مشروع ممكن يغيركم فى خلال عشر سنين من دولة عالم تالت لدولة رائدة

انا اخترعت عقار لازم نجربة بس المشروع دة بتاعى وانا اللى اديرة الناس واقفوا

بدأ المشروع بتجربة عقار السوكومنس المستخرج من النبات اللى كان على الكوكب اياة

العقار هيتجرب على فئات من الاشخاص التى تحمل مشاكل عقلية ونفسية من اكبر شخص فى الدولة لاصغر شخص

تم تجربة العقار على المدمنين والمجرمين على الشباب اليائس والبنات المكتئبة على الموظفين البسطاء على كبار رجال الاعمال على الاطفال والشيوخ على السيدات والسادة على المتعلمين وغير المتعلمين تم تسجيل كل الحالات ودراستها جيدا والتغيرات المصاحبة لكل حالة ووضع خطة عمل كبيرة لتنفيذ المشروع على الدولة كلها.

اول سنة قلت نسبة الجرائم بنسبة تمانين فى المية تانى سنة قلت نسبة البطالة تالت سنة قلت نسبة التلوث رابع سنة قلت نسبة الفساد الاخلاقى والعملى

خامس سنة نسبة الفقر قلت سادس سنة الديون قلت سابع سنة جميع المشاريع الصناعية والزراعية زادت بمقدار اضعاف اضعاف

ثامن سنة الدول العربية الشقيقة بدات تستعير مننا مديرى المشروع لتنفيزة عندهم

تاسع سنة دولتنا بقت اكبر دولة اقتصادية وعلمية ورياضية فى العالم

عاشر سنة نهاية المشروع دولة نظيفة ومتمدينة وبلا شك دولة غير التى كانت سابقا بفضل العقار الرهيب

جعيدى قال للمسئولين شكرا على تعاونكم معايا وهما كمان شكروة كان كبر فى السن بس حقق حلمة رجع بلدتة فخور بنفسة وقابل قرايبة وناسة ومعاة كتابة مين فينا الطربش وبدأ يشرحلهم سر نجاح المشروع وكانت المفجأة ان عقار السوكومنس كان اكبر خدعة فى تاريخ العلم وما هوا الا مجرد ماء

فسر جعيدى برغم انة مية الا ان تاثيرة كان خرافى وغير مسبوق على تغيير الحالة النفسية للبشر وتهيئتهم لاستخدام قدراتهم الغير مستخدمة واطلاقها فى مسارها الصحيح

ودلوقتى عرفتوا لية سمى كتابة مين فينا الطربش

الطربش هوا اللى مستنى عقار زى السوكومنس عشان يبدا يتحسن نفسيا او جسديا او عمليا او دينيا

الطربش هوا اللى بيقلل من طموح الاشخاص ايا كان ضعف امكانيتهم وكبر احلامهم حتى لو انسان مغمور ومش معروف ليك حق تحلم

زى جعيدى كان حلمة بسيط وحقق كل اللى كان بيحلم بية

الطربش اللى شرب السوكومنس فاكرة عقار سحرى هيغيرة بجد

الموضوع كلة خداع للنفس المريضة بعدم الانصياع للتغير

يا ريت نتعلم من درس جعيدى البسيط اللى حول حياتة بنفسة لنجاح وحقق احلامة بنظام وخلى كل اللى حوالية يستفيدوا منة

لا يصل الناس إلى حديقة النجاح دون أن يمروا بمحطات التعب والفشل واليأس، وصاحب الإرادة القوية لا يطيل الوقوف في هذه المحطات

ينقسم الفاشلون إلى نصفين: هؤلاء الذين يفكرون ولا يعملون، وهؤلاء الذين يعملون ولا يفكرون أبداً

خمسة أسباب تعوق الناس عن الانطلاق على درب التغير والنجاح، وهذه الأسباب هي:

1 – الخوف

2 – التشاؤم

3- الكسل

4- العادات السيئة

5 - الغرور

واخيرا اتفوو على كل واحد منتظر العقار عشان يغير حياتة

بقلم محمد عادل