منظر السماء جميل والهواء عليل ومشهد النجوم فى السماء يبهرنى بضوئها المبهج
كنت نائم على ظهرى فى حديقه كنت اجلس بها وحيدا انظر الى السماء السوداء والنجوم تتلألأ وكأنها حبات ماس من اللى بيتلبسهم نانسى عجرم فى كليبتها وانا سارح فى ملكوت الله املئ صدرى بالهواء النقى وأمنى عيونى بالمنظر الخلاب وجدت سؤال يطرح نفسه على ذهنى ماذا وراء هذه النجوم هل يوجد كائنات اخرى تعيش عليها اذا كانت الاجابه لا فلماذا اذن خلق الله كل هذه الكواكب ما فائده عطارد والزهره ونيبتون والمريخ والمشترى وبلوتو واورانوس بالطبع لم يخلقوا سدى انما لحكمه يعلمها الله ولكنه الله فى كتبه السماويه لم يذكر شئ عن مخلوقات غير الانس والجن والملائكه هل من الممكن ان يعيش عليها كائنات من الجن أو الملائكه أو؟؟؟؟؟؟؟؟؟؟ الانس
__________________________________________________________________________________
فوق كوكب المشترى
صباح الخير يا كوكى
صباح القشطه يا بوكى
مالك سرحانه فى ايه يا كوكى؟
سرحانه فى النجوم الى فوق دى يا بوكى تفتكر فى حد موجود عليها؟؟؟
نجوم ايه يا كوكى بطلى عبط قومى حضريلى لقمه أكلها خلينى أنزل اروح الشغل
بوكى لو سمحت متستهونش بافكارى انا امبارح رحت مركز بحوث المشترى ووصلت لنتايج هايله فى الموضوع ده
بلا مركز بحوث المشترى بلا مركز بحوث بلوتو انا على لحم بطنى من الصبح
بأنا بقولك ابحاث ونجوم وانت تقولى على لحم باطنك قوم يا خويا انا عملت الاكل عاملالك شارولك العريان بالهنا والشفا يا حبيبى
____________________________________________________________________________________مركز بحوث المشترى
صباح الخير يا مدام كوكى
صباح الخير يا أستاذ قلقاس
مدام كوكى احنا قدرنا نتوصل انه فيه كائنات حيه موجوده على سطح كوكب الارض
بجد يا أستاذ قلقاس دى أخبار هايله جدا ويا ترى هنعمل ايه؟
انا بحاول أجمع أكبر قدر ممكن العلماء اللى موجودين عندنا هنا عشان نشوف نقدر نعمل ايه ونحاول نتعرف على الكائنات التانيه اللى موجوده على الكوكب ده
____________________________________________________________________________________
تخيل يا بوكى النهارده اكتشفنا انه فيه كائنات حيه عايشه على كوكب الارض
كائنات حيه اذاى يعنى؟
ناس ذينا كده عايشين على كوكب الارض يعنى فيه حياه على الكوكب ده
بتتكلمى بجد
ايوه الاستاذ قلقاس اكدلى المعلومات دى
طيب بالمناسبه الاستاذ قلقاس عامله ايه النهارده على الغدا بقى؟
____________________________________________________________________________________
مدام كوكى احب أعرفك على مجموعه العلماء اللى موجودين معانا
الاستاذ العالم حب الرمان المفروط
الاستاذ العالم ليمون أضاليا معصور
الاستاذه العالمه طماطم المجنونه
وأخيرا الاستاذ حمص الشام بليله
اهلا وسهلا يا جماعه منورنا
الاستاذ حب الرمان قدر يتوصل ان الكائنات اللى عايشه على كوكب الارض دى مقسمين الكوكب بتاعهم لبلاد يعنى مش ذى عندنا هنا كلنا كوكب واحد
والاستاذ لمون أضاليا معصور قدر يتعرف على أسماء هذه البلاد
والاستاذه طماطم المجنونه عملت بحث فى تركيبات هذه الكائنات دى الفسيولوجيا والنفسيه
طيب والاستاذ حمص الشام بليله؟
لا ده جاى عشان ناخد منه طبقين ويتوكل على الله
طيب ده كلام ذى الفل طيب احنا نقدر نعمل ايه دلوقتى يا استاذ قلقاس؟
احنا نقدر نعمل حاجات كتير اوى يا مدام كوكى احنا بس لازم نفهم فى الاول طبيعه الكائنات الحيه دى ايه وعشان نعرف ايه طبيعتها لازم نعرف تاريخهم كان عامل اذاى؟وعشان كده بواسطه آله الزمن اللى موجوده عندنا فى المخزن هنروح نشوف تاريخ الناس دى عامل اذاى؟وساعتها بس هنعرف اذاى نتعامل معاهم؟
فكره هايله يا استاذ قلقاس بس مين بقى اللى هيعمل الرحله دى؟
انتى يا مدام كوكى
انا؟؟؟؟
ايوه انتى!انتى كنتى أكتر واحده مهمته بالموضوع ده وماسكاه من أوله ومش هنلاقى حد ملم بكل جوانب الموضوع ذيك؟
____________________________________________________________________________________
ايه رايك بقى فى الغدا يا حبيبى عجبتك المسقعه؟
تسلم رجليكى اللى طبخت يا حبيبتى
بقولك ايه يا حبيبى مش نفسك نغير جو اليومين اللى جايين دول؟
ممكن تعالى نروح البحر
لا ده انا عندنى ليك رحله تجنن
فين؟
الارض
فين يا ختى؟
كوكب الارض ايه رايك؟
رأى انك اتهبلتى فى مخك خلاص والموضوع ده لحس نافوخك أرض مين يا ام أرض
مالك فيه ايه انت اتفزعت ليه كده انا الحق عليا انى عايزه افسحك
تفسحينى ولا تموتينى
أموتك ايه بس يا حبيبى ده انا بحبك
بقولك ايه؟انا مش ناقص كلام فارغ انا قلت لا يعنى لا
بقولك ايه يا بوكى ماتخلنيش أقلبلك على الوش التانى
وش تانى يا وليه انتى هتعمليلى فيها شريط كاست انا قلت لا يعنى لا
____________________________________________________________________________________
وبداخل آله الزمن يجلس بوكى وقد تورمت عيناه
وتجلس بجانبه كوكى تتعامل مع كم كبير من الشاشات والاجهزه المختلفه
شوفتى انا وافقت اذاى يا حبيبتى
عالم ماتجيش غير لما تاخد على دماغها صحيح
طيب فهمينى بقى احنا رايحين نعمل ايه؟
احنا هنختار بلد ونروح نشوف التاريخ بتاعها عشان نقدم عنه تقرير هنا؟
بلد؟ يعنى ايه بلد؟
أصلهم فى كوكب الارض مقسمين الكوكب لبلاد كل بلد ليها حدود وماينفعش تروح من بلد لبلد غير بموافقه من البلد التانيه وقصص كده
ايه العبط اللى هما عايشين فيه طيب مايخلوها كلها بلد واحده؟
ماهو احنا هنعمل الرحله دى عشان نعرف بقى الكائنات دى بتفكر اذاى؟وليه بيعملوا كده؟
طيب وهنروح على فين؟
انا قدامى دلوقتى على الشاشه الاستاذ قلقاس هو اللى هيوجهنا طول الرحله
صباح الخير يا استاذ قلقاس
صباح الخير يا مدام كوكى
أستاذ قلقاس أحنا هنروح فين بالظبط
بعد مادورنا لقينا انه فيه بلد يرجع تاريخها لاكتر من 7000 الالاف سنه قبل الميلاد انتم هتروحوا بلد أسمها مصر عايزكم تشوفوا تاريخها كويس وتكتبولى تقرير مفصل على كل حاجه تشوفوها هابعتكم الاول فى عصر قديم اوى عشان نشوف بدايات الانسان فى البلد دى كانت عامله اذاى؟
____________________________________________________________________________________
مصر 10000 سنه قبل الميلاد (أيام الانسان البدائى)؟
أرض عباره عن جبال كثيره ويجلس الانسان المصرى القديم فى كهف داخل الجبل ويتحدث مع زوجته
هوهو بيكو شكلاولولو ايماكلى؟(فين الاكل يا وليه أنا جعان من الصبح)؟
صفع ناشو كيناتو بكالولو هوبا هوبا هوبا (كل شويه فين الاكل فين الاكل كرهتنى فى العيشه ماتروح انت الشغل يا منيل جتك الهم فى ايامك السوده)؟
سيحا نيحا دولاف البيا(شتايم أبيحه(؟؟؟؟
قلار بيكو ناولف البيحها (أنا عايزه أغير الديكور بتاع الكهف يا خويا ومتجبش أمك عندنا هنا تانى انت فاهم)؟
غيرلمنه تنتبنت يهعرت هوتشى كلاما (ديكور مين هو احنا لاقين ناكل اصلا ده احنا معتمدين على المعونه اللى بيجبها الخواجات)؟
البى روا نيرو منجاتا (مليش دعوه انا بالكلام ده)؟
__________________________
كوكى تنظر الى بوكى
كلكم ذى بعض مفيش فرق بينكم فى أى مكان
طيب بقولك ايه الزمن ده شكله كده مفيهوش أى حاجه ممكن تفيدنا قوليلى للاستاذ محتاس انه يودينا عصر تانى
أسمه قلقاس مش محتاس لو سمحت يا استاذ قلقاس عايزين نروح عصر تانى
هوديكوا عصر أسمه الفراعنه
__________________________________________________________________________________
عصر الفراعنه
الارض منظمه البلد مرتبه كلهم حالقين شعرهم زيرو ويمشون فى موكب عظيم الهيئه
يدخل كوكى وبوكى فى الموكب ويسالون شخص بجوارهم
هو فيه ايه يا استاذ؟
ينظر لهم الرجل باستغراب شديد
انتم مين اصلا؟
احنا من بلد تانيه وجايين نعيش فى مصر
اهلا بيكم فى ارض السلام ده موكب الاله آمون اله الشمس
الاله آمون مين يا عم الحج؟
ده الملك بتاعنا وهو الاله اللى بنعبده أصله ماسك الحكم النهارده الصبح؟
ياسلام ومين اللى كان قبله؟
قبله كان بيحكمنا الاله آتون وكنا بنعبده لحد ماجه آمون وقتل آتون
بقى آمون قتل آتون وانا بقيت مجنون يعنى انتوا بتعبدوا مين أساسا
احنا بنعبد اللى يقعد على الكرسى ده كرسى العرش
يلا بينا يا كوكى من هنا أحسن دول باين عليهم مجانين كلهم
استنى بس يا بوكى
استنى ايه كلمى الاستاذ فنطاس عشان يمشينا من هنا
أسمه قلقاس قلقاس يا استاذ قلقاس عايزين نروح عصر تانى لو سمحت
______________________________________________________________________________
الاصنام
صحراء جرداء لا فيها زرع ولا ماء
ايه يا ست كوكى هى البلد دى هاجرت ولا ايه؟
هاجرت ايه؟أكيد لأطبعا
أمال ايه اللى حصل؟
مش عارفه استنى فيه واحد عربى ماشى هناك أهو
أهوه فين؟
اللى ماسك ناى فى ايده ده
أهلا يا شيخ العرب
ياهلا بيكو وأهلا فيكو
بدى نسألك سؤال يا شيخ؟
أسأل يا عابر السبيل فالجو عالى وجميل
هو انتوا لسه بتعبدوا آمون ولا جه حد قتله فقلبته عليه؟
أمون مين يا كافر انت وهذه العنزه
احنا بنعبد اله الحكمه الات والعزه
الموزه اله بتاعكم أسمه الموزه؟
أمشى من قدامى يا عكرمه بدل ما اديك بالى فى رجلى
الحقنا يا استاذ عباس
أسمه قلقاس قلقاس
_____________________________________________________________________________
200
ميلادى
بلد جميله هوائها عليل وشمسها دافئه
الناس تمشى فى هدوء واستقرار
كوكى تتحدث مع بوكى
عايزين نتعرف على حد ايه رايك فى التاجر اللى هناك ده؟
ماشى هاخش انا عليه
يا اهلا
يااهلا يبك
انا غريب من بلاد المغرب
من بلاد المغرب بلاد جميله من وين هناك؟
مممممم من تحت الكوبرى كده انت هترغى؟
ما بفهم كلامك يا عابر السبيل
انا بس ليا سؤال هو انتوا لسه بتعبدوا الاصنام؟
أصنام لا والحمد لله لقد تاب الله على هذه البلد بعد ان جاءنا المسيح وصاحبه مرقص مصر دوله قبطيه يا عبد الله
يا سلام على الروقان
وفجأه
ايه اللى بيحصل ده؟
ده الطوفان يا عبد الله أهرب
أستخبى يا كوكى
على فين يا بوكى
اسالى الاستاذ ترباس بسرعه
قلقاس يا أخى قلقاس
__________________________________________________________________________________
669
ميلاديه
خيام كثيره والخير مالئ البلاد فاكهه وعطاره وأقمشه
احنا شكلنا فى سوق يا كوكى
تقريبا كده يا بوكى
طيب تعالى بقى نتكلم مع الناس
يا أهلا بيكى يا سيدتى
وعليكم السلام ورحمه الله وبركاته انتم مين؟
احنا بلاد الشام وجينا لمصر عشان التجاره
شرفتونا ونورتونا
انا بس عايز أسأل سؤال رفيع لو تسمحيلى؟
أسال يا عبد الله؟
هو نتوا ديانكم ايه دلوقتى وبتعبدوا ايه؟
أحنا مسلمين سنه يا عبد الله وبنعبد الله الواحد القهار
طيب والله ده كلام ذى الفل
ايش هيدا اللى بيصير هناك
ده فيضان باين عليه أجرى يا كوكى
أهرب يا بوكى
طيب كلمى الاستاذ صلاح عشان يخلينا نهرب من العصر ده
أسمه قلقاس الله يهدك هتنسينى أسمه
___________________________________________________________________________________
عام996
البلد جميله هواها عليل مليئه بالخيرات
الجو جميل أوى فى البلد دى يا كوكى
فعلا شوف نجيلهم صيف شتا بعد سنين كتير وبرضه ماليانه خير يا اخى سبحان الله
طيب تعالى نشوف الناس بقى
بنسوار يا عمو الشيخ
انتى مين يا بنتى
انا من بلاد الهند وكنت جايه أزور واحده قربتى ساكنه هنا فى مصر
بلدك يا بنتى
عمو الشيخ كنت عايزه اسال على حاجه كده؟هو انتوا لسه مسلمين؟
الحمد لله يا بنتى احنا مسلمين شيعه
نعم يا خويا
مالك يا بنتى
ولا حاجه يا عمو الشيخ ماترسلكوا على بر بقى
بقولك ايه يا كوكى انا هاموت من الجوع
وانا كمان يا بوكى
طيب ماتيجى نجيب حاجه ناكلها
نفسك فى ايه؟
نفسى فى سمك أوى مش عارف ليه؟
طيب تعالى نسأل الدكان اللى هناك ده عنده سمك ولا ايه؟
لو سمحت يا بيبى عندكوا سمك
سمك؟؟؟؟؟أنها تطلب سمك؟انها مجنونه يا عسس مجنونه تريد سمك هنا
هو فيه ايه يا بيبى مالك
الحاكم بامر الله مانع السمك والملوخيه؟
السمك والملوخيه؟اشمعنى
هى دى أوامر الخليفه
وانتوا بتنفذوها كده عميانى وانتوا مش فاهمين حاجه
الحقى يا كوكى العسس جايين علينا يلا نجرى
أجرى يا بوكى
انت فين يا استاذ بطاطس
___________________________________________________________________________________
سنه 1942
الشباب لابس بدله كامله قميص وبنطلون وكرافته على شورت وماشيين فى لشوارع
وصوت موسيقى السيد درويش فى الجرمافون بترن
والله ده شعب لذيذ يا كوكى
طيب يا عم اللذيذ ماتكلم الاخ اللى هناك ده بقى
مساء الانوار يا كابتن
مساء الخير يا فندى
لو سمحت كنا عايز أسالك سؤال خفيف كده؟
هو انتوا لسه مسلمين شيعه ولا قلبتوا؟
نعم نعم يا خويا؟؟ احنا مسلمين سنه يا حبيبى
والله كان قلبى حاسس ما علينا طيب مين الملك دلوقتى؟
الملك فاروق
الملك فاروق ماشاء الله عليكوا
ايوه هو ملك مصر بس للاسف احنا دلوقتى محتلين من الانجليز بقالنا يجى ميت سنه
يا نهار أسود ميت سنه ومطردتهمش ليه؟
طيب هما اللى مامشيوش ليه؟
نعم يا خويا؟هوانتوا مستنينهم هم اللى يمشوا
يا فندى لاهم يمشوا ولا احنا نمشى واهى الدنيا هى اللى بتمشى
يا سلوووووم على الدماغ الحمصى طيب ومفيش أى مقاومه من ناحيتكم
لا طبعا فيه مقاومه كل يومين كده يقتلوا عسكرى انجليزى بس اصل المصلحه مع الانجليز حلوه وكمان الشغل معاهم بيجيب فلوس
يا نهاركوا أسود أنتوا بتعملوا شغل مع المحتل؟
مش أحسن مانقعد فى البيت
على رأيك صحيح؟والله انتوا فله شمعه منوره
انت عارف يا استاذ أهى الحر ب العالميه شغاله على ودنه أهو والالمان دخلوا العالمين بس احنا بعتنالهم قوات تحاربهم
يا خبر يعنى انتوا محتلين من الانجليز وكمان الالمان طمعانين فيكوا؟
اه والله يا استاذ كأن الخير اللى فى العالم كله عندنا مش عارف ليه تقولشى احنا حته السكر اللى بيتلم عليها النمل بس احنا بقى مش هنسكت
والله عندك حق؟بس مش يمكن يكون الالمان أحسن من الانجليز واهوه من باب التغيير يعنى؟ميت سنه أنجليز وميت سنه ألمان وأهو تتعلموا برضه اللغه
لغه مين يا استاذ؟هو احنا كنا اتعلمنا انجليزى لما هنتعلم المانى؟
يا سلام معقوله متعلمتوش انجليزى بعد ميت سنه احتلال
ليه يا فندى هو انت فاكرنا هفيه ولامؤخذه ذى البلاد التانيه يعنى مثلا خد عندك أخواتنا فى ليبيا بيتكلموا ايطالى برفكس عشان كان المحتل ايطالى وخوتنا فى المغرب العربى بيتكلموا فرنساوى بريفكس عشان كان المحتل فرنساوى انما احنا وبعون الله خلينا الانجليز يتكلموا عربى برفكس
طيب والله ماشاء الله عليكوا طيب وهتعملوا ايه مع الالمان اللى داخلين عليكوا ول؟
هنحاربهم طبعا وهنقف مع الانجليز
يا سلام ليه طيب؟يا فندى دى عشره والعشره ماتهونش الا على ولاد الحرام وبعدين الالمان دول مصايب ده الاخ بتاعهم اللى اسمه هيتلر ده حرق اليهود وعزبهم مش يمكن يجى يحرقنا احنا كمان
الله هو انتوا مش مسلمين هيحرقكوا ليه ده بيحرق اليهود؟
احنا كلنا عبيد الله يا فندى يهودى ولا مسلم ولا ممسيحى وكلنا مصريين
وفجأه يأتى صوت مدوى كأنه قنله
أهربى يا كوكى ده باينها الحرب هنا
أستخبى يا بوكى
طيب كلمى الاستاذ ممتاز عشان يلحقنا
____________________________________________________________________________________
No comments:
Post a Comment