الدنيا حظوظ ولكن.....؟ العدد الثالث والعشرون

شخصيه فحيته ليها تأثير وممكن برضه تبقي انت عبقري وافكارك حلوه بس عايش تحت بير السلم وما حدش بيسمع عنك ولا يعرف خلقتك حتيمش عارف ايه لازمة الكلام الكبير ده بس جيه علي بالي كده وانا بسأل نفسي اشمعني الفيس بوك اللي بقي ظاهره اجتماعيه غير عاديه كده؟؟ مع ان قبل ما يخترعوا الفيس بوك ده كان فيه مواقع تعارف كتير زي الهاي فايف مثلا وكان برضه عدد الاعضاء هناك كتير جدا واصلا فكرة التعارف عن طريق المراسله دي قديمه جدا يعني وهتلاقي كانت بتتعمل بالحمام الزاجل وبعد كده بقت بالبريد لحد اما وصلت اننا بنتعرف علي بعض ونتكلم لايف حتي لو كانت المسافه بيننا الاف الاميال ما علينا كل اللي عايز اقوله ان الواد ابن الجنيه اللي اخترع الفيس بوك ده حظه من السما انه لقي تعبه وفكرته عدت اخر حاجه وزمانه ضمن مستقبل الجيل السابع من احفاده هههههه انا مش بحقد لا سمح الله , الله يسهل لهالفيس بوك غير حياتنا بمعني الكلمه وبقي فيه مساحه من الحريه الناس بتخرج فيها الكبت بتاعتها وبتقول اللي هي عايزه تقوله في عالم افتراضي , كل واحد فيه مستخبي ورا الشاشه بتاعت الكمبيوتر وعمال يعبر عن نفسه وعن الافكار الممنوعه واللي مش ممنوعه ودي في حد ذاتها حاجه ما كانتش متاحه زمان بالنسبه لاجيال قريبه جداكان زمان الافكار الممنوعه بتطلع في الغرف المغلقه او ع القهاوي وساعتها لازم اللي بيتكلم يتلفت حواليه ويتأكد انه مفيش حد سامعه وهو بيعبر عن اللي نفسه يقولهدلوقتي الموضوع بقي مختلف جدا بس برضه من وجهة نظري اننا مجتمعات لسه في مرحلة الطفوله بالنسبه لادراك الحريه وارادة التغييريعني الفيس بوك كخطوه اولي في التغيير شيء جميل جدا بس اللي بتمناه اننا ندرك الظاهره ككل ونفهم ان دي خطوه صغيره ولازم يبقي وراها خطوات وخطوات وما يبقاش اخرنا الكي بورد بالعكس ده يبقي اولنافي ظاهره مثلا بتدل فعلا اننا لسه هبل وبنضحك علينا وهي ظاهرة الاسهال الغير عادي للجروبات بأسماء ما تمتش للواقع بأي صله تحت شعارات هبله وللاسف اغلبنا بيصدقها والعبد لله برضه شربت سبعين مقلب في الحوار دهيعني مثلا تلاقي جروب فيه 7 الاف ممبر بيقولك : لو الجروب ده وصل 10 الاف بني ادم هنخلي الدنمارك تعتذر عن الاساءه بتاعت الرسول صلي الله عليه واله وسلمطبعا اللي عمل الجروب ده نيته كويسه وبيحاول يبقي ايجابي وله دور رغم انه بيحاول محاوله عبيطه , هتقولي ازاي عبيطه؟؟ اقولك يا سيدياولا الجروب معمول بالعربي يعني مفيش اي اهبل دنماركي هيفهم حرف من الجروب ده , ثانيا الجروب بيخاطب العرب ومعمول في نت ورك عربي يعني كل اعضاءه عرب وثالثا الطريقه ذات نفسها هبله وساذجه لان مفيش توقيعات بتتجمع ومفيش حد من الدنمارك عرض العرض ده اللي هو لو وصلتوا 10 الاف عضو هنعتذر لكووحتي لو علي افتراض جدلي ان اعضاء حكومة الدنمارك قعدوا يقلبوا في الفيس بوك في وقت البريك بتاع الشغل وشافوا فعلا الجروب ولقونا شاطرين وجمعنا ال 10 الاف بني ادم؟؟ هينفضوا لنا ويقولوا لنا اضربوا راسكو في الحيط وما حدش هيتعتذريبقي الفكره بقي كانت ساذجه ولا لا؟طبعا الجروب ده مجرد مثال لسبعتاشر مليون جروب فيها نفس الفكره العبيطه واللي مع ذلك بتلاقي رواج وناس كتير بتسمعها وتمشي وراهابتمشي وراها بسبب حلم التغيير او حلم الوصول لدور ايجابي , فعلا فيه شباب نفسه يعمل حاجه بس مش عارف وبيكون كل دور انه بيسجل في اي جروب يعجبه وبعد كده تلاقيه مشترك في 500 جروب ومفيش ولا جروب بيقرا اللي فيه ولا بيشارك برايه وبتكون مشاركه سلبيه طبعايعني انا والله شاكك ان الكلام اللي بكتبه ده ما حدش هيقراه بما فيهم رئيس التحرير اللي جابني هنا بس هعمل ايه اديني بكتب وبقول يمكن كلامي يصادف واحد يقراه او جايز العدد يكتر شويه وتمشي معايا وابقي مجظوظ زي النجم بتاع الفيس بوك دهياريت يا جماعه نبقي فعلا ايجابيين ولينا دور وزي ما قلت يبقي الفيس بوك ده خطوه اولي مش اخيرهوطبعا عشان شعار الجريده اللي ما نقدرش نستغني عنه ابتا ابتا (ابدا) بحب اقول

اتفوووووووووووووووووووووو علي كل واحد عمل جروب عشان يشتغل الناس خصوصا اخوانا بتوع ..تحدداني كلب

بقلم محمد فؤاد