يا خسارتك يا اللى مضيع فلوسك على التكاتك ومتفسحتش

ماذا تحتاج الكتابة الساخرة؟
يقول غيشان "لا بد من وجود حس للأشياء وقدرة على التمرد والتجديد واندهاش دائم وحس نقدي وثقافة كبيرة ومتنوعة".

ويعرّف الزغبي الأدب الساخر أنه "أعرق أسلحة البشر وألطفها فهي سلاح الفقير على الغني والضعيف على القوي وسلاح المظلوم على الظالم. النص الساخر هو الخلطة السرية بين اللغة والمفردة والحكاية الشعبية واصطياد المفارقة في المشهد والخبر والحدوته. سواء أكان هذا النص نكته شفوية أو نص ساخر مكتوب".
حد فيكم يعرف مين الزغبى دة اصلا اللى يعرف يبقى يعرفنى والنبى
الفن الساخر فن صعب، لكن بالنسبة للكاتب هل هي موهبة أم هي شيء يكتسبه عبر الأيام؟
السخرية فن له شعبيته ومحبيه؛ من البسطاء والشعبين الى الأغنياء والمسؤولين. هو أدب مصدره الشعب وموئله الشعب. والأدب الساخر له خصوصية تميزه عن باقي الآداب الأخرى، سواء تمثل في القصة الساخرة أو الشعر أو المقالة الصحفية الساخرة.


اولا يا جماعة انا اخوكم محمد عادل عبد العظيم ابراهيم
وفى اول كتاباتى معاكم احب اهنى اخوتى كريم وعمر على فكرة الجريدةالهايلة هما وكل من ابدع فى كتابة موضوع فى الجريدة

خلاصة الموضوع انا هكتب مقال النهاردة اللى هوا
اقعدت احضر عنوانة 3 اشهر وكان قصة نجاح مش جاية على المرتاح دة لو كنت نجحت
بس العنوان اتغير الى يا خسارتك يا اللى مضيع فلوسك على التكاتك ومتفسحتش
عارفين انا بقالى 10 سنين مش عارف اخد شهادة والسنة القادمة تبقى ال 11
ارقام قياسية لم يصل اليها بشرى من قبل ولن يصل
واللة ما نكتة ولا سخرية سنى 29 سنة ولسة فى الكلية حاجة لطيفة ولسة عندى امل
الكلية طلعت محترمة شيلونى 3 مواد من 20لا بجد ربنا يكرمهم ناس محترمة انا بحبهم اوى وبحب كليتى المصون ربنا معاهم بجد ناس بتتعب عشان ننام ندعيلهم ليل ونهار ونهار وليل
عامة ولا فارقة انا قدامك اهو لسة بغنى ومش هيقدروا يخلونى انكسر ولا هما ولا الظروف ولا المعزة ولا الخروف ولو عدا من السنين الوف لم منهم يدخل فى قلبى الخوف
عليا النعمة الواحد بيقول كلام زى الفل
الدنيا لو جارحة لونها لون فرحة حبيبى يا منير يا نجم النجوم لو حبيت منير تعرف انة اسطورتة فى ان اغانية تلمسك فى اى مود انت عايشة
اول اغنية حببتنى لمنير كانت من 12 سنة اسمها الفرحة شايفين الكلمة حلوة ازاى كل مواحد يقراها يسأل نفسة هيا فين الفرحة دى انا اخر مرة فرحت امتة واية معنى الفرحة عند الناس
عيش وقتك عيش ايامك
الدنيا براح قدامك
احلم بالجاى تعيش مرتاح
على ايه تنزل دمعاتك ...
لو يوم عداك او فاتك
الضحكه تدوب اى جرااااااااااااح
يا سلام على كلمات الاغنية رائعة لو اتفهمت صح لية تزعل وتعيط لما ممكن تفرح وتزيط احلم بالجاى وحطلة صورة ومتتنازلش عنها الا لما تحققها
الانسان جواة سوبر مان لما بيتزنق انت كام مرة قلت انا مش ممكن اكون او اقدر اعمل كزا وعملتة
واللة يا ناس انا منا زعلان انا مازلت متفائل انى هخلص واشوف جيشى واشتغل واخلص شقتى اللى بقت مأوى للعناكب واخطب القمر اللى بحبها وواقفة جنبى وحببتنى فى الدنيا حتى لو ظالمانى واتجوزها واجيب عيال واعلقهم بالمسامير على الحيطةواربيهم زى متربيت اقولهم راعو ربنا فى كل حاجة ومتبقوش زى اللى بتسمعو عنهم متدفعوش رشوة متشربوش سجاير متغلوش الاسعار متلوثوش المية متعملوش كباير بس اهم حاجة ادفعو فلوس للتوك توك واتفسحوا
لانى انا دفعت فلوس كتير ومتفسحتش بقالى 10 سنين بلف بية فى نفس المكان ومخرجتش منة مع ان العيب مش منى واللة يا ناس فى ظلم فاحش
بنتعرض لية مش انا بس انا وناس كتير ناس مكانها فى بيوتها مع زوجاتها وعيالها دة الطبيعى مش مكانها فى قطر مسافرة رايحة محاضرة تتمرمط عشان تحضر وتزاكر وتمتحن وتعمل اللى عليها تسافر 10 ساعات يوميا عشان تمتحن وبردو مش بتاخد حقها
مهوا نظريا لو جبنا حمار بتاع عربية جوافة وتين برشومى او كائن فضائى لسة نازل سخن من التوكتوك الفضائى بتاعة مش هيقعد فى الكلية 11 سنة حتى ولو بيتظلم حتى ولو بيحل ومش بينجح حتى ولو بيشوف ناس مش بتكتب كلمة فى الورقة بس عشان بابا رئيس محكمة او قاضى بقى وكيل نيابة من 4 سنين واللى ابوة دكتور فى الكلية بردو بقى وكيل نيابة حتى ولو غير الكلية اللى شاف فيها ايام سودة وراح كلية تانية حتى لو مدفعش رشوة ايمانا منة ان السقوط بدون اغضاب ربنا احسن من النجاح مع فيزا لجهنم
الدنيا أوده كـــــــــــبيره للانتظار فيها ابن أدم زيه زي الحـــــــمار الهم واحد .. و الملل مشــــــترك و مفيش حمار بيحاول الانتـــــحار فعلا
خلاصة الكلام انا فى الدنيا دى يا لاطط يا ملطوط على راى اتش دبور ومش هقبل اكون ملطوط
انا مؤمن دائما وابداا
ان السقوط دائما لا يعنى الفشل والدليل سقوط الامطار
لا يحزنك إنك فشلت مادمت تحاول الوقوف على قدميك من جديد
سأل الممكن المستحيل : أين تقيم ؟ فأجابه في أحلام العاجز
وانا مش عاجز انا قادر بأذن اللة تعالى على الوصول لاحلامى ولن اتنازل عنها
الألقاب ليست سوى وسام للحمقى والرجال العظام ليسوا بحاجة لغير اسمهم
من قنع من الدنيا باليسير هان عليه كل عسير
من ركب الحق غلب الخلق
بس من مكانى هنا وعلى قهوة اتفووو وانا ممسكا بللى الشيشة المعسل الفاخر واضع رجل على رجل وبعضا من الجل واحتسى الخروب وفاتح الويرليس وبتابع الجروب وكلامى واصل لكل القلوب المقفل منها او الحبوب
واقول اتفووووووووو من قلبى
على الفساد التعليمى فى كلياتنا واتفووو على المهبطين والمثبطين للعزائم اتفوووووو على اللى بيجروك للفساد
الى كل من ظلم طالب ولم يعطة حقة ولم يراعى ربنا فى عملة على دكتور مبصش فى ورقة طالب وعلمها بضمير وادالة اللى يستحقة اللى هوا مش طالب اكتر منة
الى العصابات داخل الكليات اللى فيها الفساد واضح
اتفففووووووووووووووووووووووووووووووووووووووووووووووو

بقلم محمد عادل

لينك الموضوع علي الفيس بوك في جروب جريده اتفوو

شاركو تعليقاتكم

http://www.facebook.com/group.php?gid=56520097915&ref=nf#/topic.php?uid=56520097915&topic=10211