ده شعب ده هو فى كده ؟,,, اتفو العدد السادس

صباح الجمال والورد والياسمين عليكوا معلش اعذرونى من خنقتى من الشعب المصرى العظيم قلت اتفو فى اول المقال مش فى اخرة وعلى العموم مع الشعب المصرى مش هاتفرق فى الاول ذى الاخرالفترة اللى فاتت كلها ولحد انهاره جاتلى فكرةغريبة قلت يمكن احنا مش طايقين بلدنا بسبب الضغوط والشغل والزحمة وخلافة فكرت الن اتعامل فى مصر على انى سائح زائر جاى مصر اشوف اثرها واهرماتها وشعبها الطيب الاصيل اللى مابيظهرش غير فى وقت الشدة وبس لكن غير الشدة يفضل مانتخ نايم فى العسل لحد ماتيجى شدة تفوقه الهى يارب تيجى شدة تفوقة ....طيب ياترى فى شدة اكتر من اللى احنا فيها؟المهم نزلت لمده اسبوع اتفرج على مصر وحاولت بقدر الامكان انسى انى انا مصرى علشان احكم على المزايا والعيوب بتاعت مصر بعقل ومنطقية وحاولت انسلخ من كل هويتى حتى حاولت اغير لهجتى علشان اشوف مصر بعين الاخر ياترى الاخر ز.. الغريب عن مصر رايه فينا اية بيشوفنا ازاىعايزين تعرفوا...؟طيب تعالوا معايا فى رحلة لمدة اسبوع فى مصر الحبيبة ونشوف ايه اللى طلعنا بيه؟قبل اى حاجة احب اكد انى والحمد لله بحب مصر جدا بحبها بجد و مش حاقد عليها ولا بمارس اى نوع من جلد الذات زى مابيقولو او بلوم على الشعب المصرى اللى حاولت ادور على مميزاته اللى اشتهر بيها على مر العصور وهى لسة موجودة لكن على حسب القاعدة العلمية التى تقول العضو الذى لا يستخد يضمر ايضا المميزات التى الا تسخدم تضمر وتطغى عليها عيوب الشعب المصرى التى ظهرت وصبحت علامات اساسية فى الشعب المصرى ..لكن نعتبر دى محاولة لتصحيح الاخطاء لاننا من الشعب المصرى واكيد بنقع فى نفس الاخطاء حتى لو غصب عننا اليوم الاول ...نزلت اتمشى فى شارع الهرم عندنا فى الجيزة (اوعى تفهمو غلط انا كنت ماشى الساعة 4 العصر)لكن اتضح لى انها مفرقتش 4 العصر دى 4 باليل نفس البنات ماشين لابسين من غير هدوم لانها تفضح اكتر ماتستر والعربيات الجديدة فيها شباب او عواجيز بيوفقوا فى عرض الشارع يضربو كلاكس لاى بنت فى الاول البنت تتدلع وتشيبوا وتمشى وانا افتكرها محترمة بس لابسه على الموضة تقليد اعمى وخلاص وقبل ما عرق الشهامة ينط واتدخل واكلم الواد اللى بيعاكس ابص القيها ركبت معا فى وضح النهار والناس كلها رافعة الاريال عادى جدا ولاحد بيعترض كلوا واقف بيتفرج ولا حد بيدخلطيب قلت فى عقل بالى يمكن الناس خايف ليكون الشاب ده ابن واحد مهم ولا حاجة طيب فين من راى منكم منكر فليغيرة بيدة طيب الناس خايفة طيب بلسانه زى زمان على الاقل حد يوعظهم يقولهم اتقوا الله.. مفيشطيب حد يشتمهم ..مفيشكلوا وافق يتفرج ..طيب بقلب ياخى .. مفيش والمصيبة القى التعليقات ..اللى بيقول يابختك ياسيدى مزه بنت حرامواللى بيقول الليلة بكام يعم .. طيب فى تقسيط ولا لازم كاشحتى بقينا ننكت فى الخيبة وقلة الادبماعلينا بنت ماتربتش وولد قليل الادبوفى الناحية الاتانية من الشارع القى بنت بتسرخ لبسها محترم مش على الموضة ولاحاجة وبتتخانة مع سواق ميكروباص قل ادبة عليها قلت مابدهاش بقى فين الشهامة بتاعت الشعب المصرى عديت الناحية التانية ولقيت الناس اتلمت وقلت هتبقى خناقة والسواق هايطحنفجاة القى الناس كلها بتتفرج و كانهم محرومين من السيما والتلفزيون الرجالة قاعدة فى الميكروباص ماحدش هاين علية ينزل يضرب السواق قليمن كله عامل عبيط .وكلوا اللى هامهم .. هو السواق عملها اية؟حاجة حرقت مى جدااا .... ايه اللى بيحصل دهزمان لما كانت البنت بتتعاكس حتى لو لابسه لبس مش كويس الف واحد بيدخل دلوقتى بقينا ايه حصلنا ايه ؟عدى الموقف على خير وكملت مشى وقلت بقالى كتير مركبتش اتوبيسات حكومة وقلت اكمل بقى فكرة السياحة اللى انا فيه واركب اتوبيس واتفرج على الشعب المصرى فى الزنقة بيقبى عامل ازىبعد مركبت الاتوبيس والسواق مشى ...طبعا قبل ماالركاب تطلع وساب نصهم على المحطة زى مايكون بيعمل فيهم مقلب... لاقيت واحد هارى نفسة جرى كانه بطل فى الاولمبياد رغم ان كرشة عمال بيطنطت قدامه وعمال يدحرج مش يجرى فى صراع من اجل البقاء ...ولا هامه العربيات اللى ممكن تدوسة او ممكن يقع وهو بيجرىبس بصراحة كان برنس .. انا شايفة وانا واقف على الباب لان طبعا ماكنش فى مكان فى الاتوبيس ولقيت الراجل بيركز اقوى وبيبص على الماسورة بتاعت الباب وكانه صقر بيصطاد غزالة وقام قافش فيها وهب رمى رجله فى الاتوبيس وطلعالحمد لله ومتتخيلوش كم التصفيق اللى خدوا لما فاز....قصدى لما طلع الاتوبيس ولا تتخيلوا كم التشجيع اللى خدوا وهو بيجرىالراكاب كانو بيقولوا يلا هوب حاول اكيد هاتوصل ادى اديلوا ونا فى عقلى عمال اقول طيب محد يقول السواق يستنى بدل العذاب دهوبعد مالراجل طلع والتقت انفاسة طبعا كنا مشينا حولى محطة ونصلقيتة بيقول المحصل لو سمحت هو الاتوبيس ده بيعدى على العتبةانا لولا انا حالف انى مش هاتكلم على اساس انى متفرج بصراحة كنت هاخرج عن شعورى واشتموا بعد كل ده والجرى ده متعرفش الاتوبيس رايح فينحاجة عجيبة فى كده ياربىالمهم بعد عذاب وعناء دخلت بقوة الدفع جاخل الاتوبيس وعامل زى اللى بيعوم فى وسط البشر الكثيفة وصراع من اجل انى اصل لباب السائق علشان انز واعمل زى الناس المحترمين ومانزلش ةمن باب الصعودوانا ماشى بقى فى رحلتى الى باب النزول شوفت الاهوال والصعاب وطلعت جبال ونزلت هضاب (محدش يفهم غلط انا كنت بحاول اكون محترم)شوفت العجب ناس معندهاش دم قاعدة وشباب مش كبار سايبين ناس كبيرة وستات كبار واقفين وكل واحد برضو عامل عبيط الى يبص من الشباك قال يعنى عمرة ماشف البلد قبل كدة وبيتفرج على معلمها واللى مشغل الموبايل بصوت عالى كانه قاعد فى عربية ابوه وكل واحد فى وادى ولا حد حاسس بحد. ياترى ايه البيحصل مكناش كدة كان الناس تقف للكبير وتخاف على الصغير كان لما يشوف واحد ست واقفة يقوم لها علشان محدش يضيقها وبرضوا اللى يغيظك التعليقات الغريبة اللى يقولك اصلا الستات دول المفروض يقعوا فى البيت ايه اليركبهم موصلات ويشختتهم فى الشغل مش هما عايزين يتساوى بالرجاله يشربوا بقى هههبقى ده منطق ياخونا ؟ بقنى نفكر كده اية الى حصل..رقلت ياواد ياحسن متعيش فى دور السائح قوى علشان البهدلة وحرقة الدم ورحت اركب ميكروباص من عبد المنعم رياض راجع لفيصلوالمفروض ان يمشى الطريق كلة لكن احنا عارفين ازمه الاخلاق اللى اخنا فيها والاهمال وعدم الرقابة من الحكومه العظيمة السواقين بقيطعوا المسافة ويخدة الاجرة زى ماهى وبعض الناس لسه عندها دم وبتعترض وتتكلم فى حقها وعايزة توصل لبيوتها من غير ماتتبهدل ولا تستغلافوجىء ان القى ناس بتقف مع الباطل (سواق الميكوباص)وتقول ان ده اصبح عادى والسواق معاه حقمعقول وصلنا لكده نقف مع الباطل طلما مش متعارض مع مصلحتنا نكتم الحق طيب قلت ماشى ماتتكلمش واسكت وشوف فى الاخر ايه اللى هيحصلابداء بقى اكتشف الغباء اللى بقينا فيةتلاقى السواق بينده لمحطة معينة بعلو حسه وده طبعا اسلوب غير حضارى بيتبع عندنا فى مصر هو استخدام خاصية النداها فى تحميل الركاب فى المواصلات مثلا السواق ينح حسة ويقول هرم هرم هرم هرموتلاقى واحد فى منتهى الغباء يقول فيصل ياسطى ياعم بنقول هرميقوله يعنى مش فيصلمش عارف ام الغباوة دى جبناها منينقلت ياله مش مهم عدى يومك علشلن تروحقلت اعمل واجب واجيب حاجة حلوة للبيتواكتشفت برضوا اننا اصبحنا بلا اخلاق حتى فى البيع والشراءدخلت محل حلويات مشهور ورحت للولد البياع ولسه مساله عن حاجة شكلها غريب معرفهاش يعنى حاجة شكله حلو لقيت بكل قلت زوق بيقولى : هو انت عايزة اية بالضبط قول وانا هاريحكقولت ياخى انا بسال سؤال جاوبنى لقيت فاجة سبنى وراح لراجل شكلة خليجى ورحب بيه وقعد يشرحله كل قطة حلوى فى المحل وكانه رئيس وزراء طبعا انا استغلت الموقف وفضلت ماشى جنب الراجل اخليجى ..ايه مصلحة برضوا لان للاسف احنا بقينا شعب يحترم القرش ولا يحترم الناس لا الولد البياع عارف انى انا بالكتير هاديلوا تيبس 2 جنية لكن الخليجى بالقليل 20 جنيةالمهم اشتريت شوية حاجات ورحت على الكاشير احاسب طبعا زحمة وطابور حاجة يعنى صعبةوقفت زى اى بنى ادام محترم فى الطابوروطبعا معروف عننا اننا شعب كوسة الراجل الخليجى جاى اخر واح وحاسب اول واحد وطبعا الناس زعلت واتكلمت والولد البياع حاول يضحك علينا قال ايه معلش اصلة ضيف ...واكتشف عيب تانى فينا هو الفهلوة طبعا حاجة مشهورة فيناالقى واحد يقوم داخل قادمك فى الطابور وعام نفسة برضوا عبيطولما تيجى تكلمة يضحكلك ضحكه هبلة كدة ويسحلك فى اى حوار علشان تنسى انه وقف قدامك فى الطابور او واحد تانى يعمل نفسة بينظم الطابور ويقوم واقف قادم فهلوة برضوايعنى حاجة ...انا حقيقى اليوم دة جالى احباط يجماعة حد يفهمنى اية اللى حصل لنادة احنا بقينا شعب يعنى ماقدرش اقول غير اتففففووووووووووووووومكنش نفسى اقول كده لكن اعمل اية هو عنوان الجريدة كدهوانشا الله للحديث بقية فى الجزء التانى من عيوب الشعب المصرى ورحلة مع شائح من داخل مصر

hassen fathy