شباك ارابيسك - العدد الثامن عشر

كل يوم بعدي علي الشباك الصبح وانا رايح الورشه وانا راجع في اخر لليل من الورشة وعمري ما شفت الشباك ده مفتوح اجم - العدد الثامن عشرل شباك شفته في حياتي شباك من الطراز القديم من الاريبسك... طبعا وجود شباك زي ده في حي زي ده شي عادي الناس متعوده علي ده في الجماليه بس الشباك ده ليه شكل تاني الي عمله فعلنا فنان اكيد صنيعي زي ما يكون اتولد في ورشة خشب وكملها بدراسه في كلية الفنون فاهم ده كويس كل تعشقه فيه كل نقشه او زويه حكايه فنيه شباك ده معملوش صنيعي ولا ارزئي الي عمل شباك زي ده صاحب مكان فنان بيعمل حاجه لنفسه مش بيقلب شغله وده باين من الشغل الي فيه كنت كل يوم بليل اقعد اتامل في الشباك بليل ومهو الشارع فاضي ومفيش حد لسه صاحي اتأمل قد ايه هو جميل قد ايه هو فيه عبقرية فنان صوابعه من دهب المهم بعد شهر من المرقبه قررت اعرف ده بيت مين ده ومين الي عمل الشباك الجميل ده المهم تاني يوم الصبح وأنا رايح الجامعة عديت علي عم دنجل صاحب القهوه الي علي اول الشارع وده تقريبا هو السجل المدني بتاع الحاره عارف كل واحد فيها وبتاريخ اهله كامل لما تسئله علي اي حد يكرلك كل المعلومات عنه من اول ما اتولد لغايت لما يقلك رجع الساعه كام امبارح كتير كنت بفتكر دنجل ده مخبر بس لحسن الحظ طلع هوايه عنده بس ... انا بس رزعت السؤال هو الشباك ده يا معلم بتاع مين؟ يعني مين الي ساكن في الشقه دي؟ اتفتلي المعلم دنجل وحلق فيا اوي وحرك شنبه بحكه غريبه وكان الشنب راقص باليه محترف تحت مناخيره الي فتحاتهاواحد بتفتح والتانيه بتقفل طبعا اكيد كانت النهايه تفه غنيه من فمه الكبير وبعدها قال (متفتكرلنا سيره حلو يا استاذ حسن ده يا سيدي شقه بتاعت واحد كشري اسمه عبد العزيز افندي ده موظف في البريد اعوذ بالله ده ماشي يخانق دبان وشه بس انت عرفته منين يا اسطه هو انت عايز تجوز ولا ايه؟ مين الي دل علي بناته اكيد ام سعاد بياعت الفجل الي علي اول الحاره الوليه دي منها لله)(لا لا يا معلم انا بس عجبني الشباك بس حبيت اعرف مين صحبه انت عارف اني صنيعي فعجبني الشابك قلت اعرف مين صاحب الشقه دي)(مليش دعوه يا عم روح انت اسئله الرجل ده دمه تقيل علي قلبي يووووووووو مش كنا افتكرنه حاجه كويسه اهه شرف يا سيدي بزعبيبه)كانت دي اللحظه الي كنت مستنيها اشوف الراجل ده الي حلمت بيه علي مدي شهر من ساعت ماشوفت الشباكبلف بدامغ وكانت الصدمه كان راجل قصير اوي اقرع وبشنب صغير بالنص كان الصوره الكامله للموضف الحكومي الي بنشوفه في التلفزيون ميعملش حاجه غير يقول فوت علينا بكره يا سيدبصراحه انصدمت ايه ده معقوله الراجل ده يكون عنده تزوق للفن ولا حتي يكون عارف يعني ايه اربيسك بصراحه الراجل كان بتخانق مع الزبال في الشارع عشان مبيطلعش ياخد الزباله من قدام شقته سبحان الله ازاي الجسم ده يخرج منه الصوت ده وكمية الالفظ دي الزبال ياعني كان فريسه سهله لعبد العزيز افندي بصراحه مرمطه فضلت واقف اتفرج وكل الحاره لغايت لما خلص غسيل في بتاع الزباله وزفق زفقتين في كل الناس الي في الشارع الكل طلع يجري لف هو وطلع على شقته رحت انا جاري وراه علطول انادي يا عبد العزيز افندي (عايز ايه ياروح امك انت كمان)(يا استاذ عبد العزيز انا حسن لطفي من دمياط انا بدرس في كليه الفن)(انا مال اهلي هو انا هنسبك)(صبرك عليا بس يا عبد العزيز افندي انا مهتم بالاربيسك وبصراحه عجبني الشباك بتاع شقتك الي علي الشارع)لقيته بصلي بصه من فوق لتحت كانه مستغرب مني لقيت منه فجأة نظره احتقار مشوبه بقرف فيها لمحه تحدي كل ده يا عالم في نظره وحده رد فعلي الطبيعي هو ابتسامه بلهاء بصلي بنظره متكبره شويه وقال( اطلع اسقيك شاي) وطلع وانا طلعت وراه بجري لما وصلنا لشقه قال استني هنافتح الباب بالمفتاح ودخل وبعد شويه قالي ادخل دخلت سحبي علي الاوضه الي فيها الشباك الي كنت بحلم بيه اول ما دخلت الاوضه عرفت ان الشباك ليس اكتر من شغل صبياني قدام التحف الي شفتها جوه مكتبه اربيسك برده تحفه فنيه بس الكتب الي فيها غطت علي جملها لانها مجموعه من اندر الكتب لفيت الناحيه التانيه لقيت لوح مرسومه وهنلك كان في جامفون وجنبه اسطونات للشيخ سلامه وسيد وكامل الخلعي الراجل ده عايش في عصر المماليك اكيدفي يمين الاوضه كان في تمثال لاديب وهو بيخرم عينهانت الي عامل الحجات دي يا استاذ عبد العزيز) ( لا يابني انا بس مجمعها )(ده انت فنان يا استاذى ده انت اقل ما يقال عليك انك عبقري انت محصلتش)اتكلمنا انا والاستاذ عبد العزيز في كل حاجه وطلع داخل هذا الجسم والقصير دماغ كبير وذوق انسان مرهف و متزوق جيد للفنون ومؤرخ فني هايل كنت كل ما يطلبوا منا مشروع في الجامعه لازم يكون رأيه يكون اهم واول راي استشهد بيه ازاي الكتب بتاعته رفعت مستويا في الجامعه وازههلت كل الدكتره منين بقدر اوصل لكل هذا الكم من المعرفه الدقيقه في وقت صغيرفي اي موضوع بحثي يتم اثارته بجد عرفت معني تاني في الحياه بوجود هذا الصديق المحترم المثقف بس برغم ده فضل سؤال محيرني ازاي عبد العزيز افندي بتاع الشارع بيتحول معايا لصوره الاب الحاني معايا وقررت في اول منسبه اسئله وجت الفرصه يوم خميس بعد ما جعت من الجامعه كالعاده عديت عليه وفتحتلي بنته الي خلاص تقريبا حفظوا مواعيد وصولي زي ما بيحفظوا مواعيد وصول أبيهم المهم دخلت متجها لي اوضتي الي هي اوضه الوالد ليقت الشاي كالعاده الأستاذ عبد العزيز فاتح كتاب من بتوع الفن المعماري في العصور الوسطي (ازيك يا عبده)(ازيك يا واد عامل ايه تعالي معايا كتاب تحفه )(لا انا كنت عايز اكلمك في موضوع كده)(خير)( انت ليه بتعامل اهل الحاره كده)بصلي بصه في استغراب وكانه بيتعجب ازاي بسئل سؤال زي ده(انت مش شايف الناس دول عملين ازاي؟, يرموا الزباله مكان ما بيكلو ومبيكلو مكان مايرمو الزباله بيسقوا اكلهم بميت مجاري ويرموا الميه النضيفه في المصارف كل واحد فيهم بيقول انا مالي وسيبين حققهم ضيعه عليهم وكلنها منهم شوية حرميه سكتين علي المرتب القلبل والاسعار الغاليه والجو الملوث والزحمه والبطاله بزمتك دي ناس ممكن حد يعملها كويس مثال للسلبيه والانهزاميه والعشوائيه سيبك من الكلام ده قول لي عجبك الكتاب الي ادتهولك) ونزلت منه عنده بعد سهر الخميس كالعاده في قمة الانتعاش ورحت نمت وانا منتشي.تاني يوم صحيت كالعاده يادب علي اذان الظهر عملت الطقوس الطبيعيه عند كل مصري ابتداء من طبق الفول لغايت الجلابيه البيضه والشبشب ابو اصبع و بعد صلاة الجمعه لميت صويت من شقة الاستاذ عبد العزيز المهم صلينا عليه بعد العصر ورحنا دفنه تاني يوم وانا راجع من الكليه ايه ده ايه كمية الزباله دي؟ليه الست دي بترمي مية الغسيل في الشارع حبي يا وليه الراجل بتاع القهوه ده معلي صوت الرديو باغاني البئيه دي ليه انا مال ومال العنب والمانجه وفجاءهسمعت صوت في دماغي بيقولبزمتك دي ناس ممكن حد يعملها كويس مثال للسلبيه والانهزاميه والعشوائيهبزمتك دي ناس ممكن حد يعملها كويس مثال للسلبيه والانهزاميه والعشوائيهبزمتك دي ناس ممكن حد يعملها كويس مثال للسلبيه والانهزاميه والعشوائيهزعقت باعلي صوتي(انتوا ياحاره حوش جتكم القرف اتفوووووووووووووووعليكم

بقلم كريم يوسف