بلدنا فقيرة ؟ لا بلدنا غنية ؟ برده لا بلدنا تفتقرالى الادارة ( الادارة)جملة لفتت انتباهى وانا فى تانية كلية تجارة جامعةالقاهرة من دكتور لو فى ذيه فى امريكا لكانو عملولو تمثال لانه نابغة من وجه نظرى لكن نظرا لسوء الادارة والجملة دى هتلازمنا كتير فى المقال بتعنا قدم استقالتة وهاجر كندا رغم انه من عائلة غنية مش محتاج لفلوس زى بقيتة الشباب اللى عايز يسافر لكنة محتاج يحس انه بنى ادام له قيمة وليس مجرد مدرس فى جامعه عدد طلبها فى الفرقة الواحدة 1500 فى المدرج الواحد ده سوء ادارة ايضا,المهم اتخرجت من الكلية واشتغلت فى اماكن كتير حبيت الاقى فيها مستقبلى وانا من المعارضين بشدة لفكرة السفر ,وبلدك اولى بيك ,لا يامصرى لا تهجر بلدك لا,والكلام الكبيرده واتنازلت عن المرتب الضئيل وبهدلة المواصلات الرخيصة لان المرتب مش مستحمل وكنت بقول مسيرى هاكبر والتعلم واخد خبرة فى مجالى رغم انى مكنتش شغال فى مجالى اصلا لكن قلت استحمل لغاية ماوصل لهدفى ,ماهو الواحد لازم يتعب شوية احنا شباب مش كدة ولا ايه ,الحاجة الوحيدة الى ماكنتش بقدر استحملها المدير كنت ديما على خلاف مع مديرينى لية بيكرهونى مش عارف يمكن علشان ان بكرههم وما كنتش بعرف اتعامل معاهم يمكن , وده كان سبب ان اتنقلت فى اكتر من عشرين شغله بعد التخرج رغم انى والحمد لله متفانى فى عملى وبراعى ضميرى حتى المهام الصعبة كان المدير يكلفنى بيها لانه عارف انى هعملها صح حتى لو غصب عنى ويرضينى بكلمتين وبعد كده يرجع يكرهنى تانى واكتشفت ان نجاح اى مؤسسة او شركة تتوقف على مديرها حتى نجاح اى بلد يتوقف على مديرها حتى اننا نسمعهم بيقولو الادارة الامريكية قصدهم على الرئيس الامريكى والى عمرنا ما سمعنا انه تم اختيار مدير الادارة الامريكة او اي بلد متقدم بالصدفة او اى شركه عالمية او اجنبية تم اختيار ادارتها بالصدفة المهم مش هاطول عليكوا ونشوف اية اللى بيحصل فى بلدناامدير بالصدفةاول يوم عمل ليا فى الادارة الجديدة وانا اتنقلت لها مؤخرا على اساس انى اجد فيها طموحى واجتهد فيها علشان اترقى واكبر و كنت فاكر ان ده الطبيعى اجتهد فى عملك وابتكر واتعبتترقى لكن للاسف ده مابيحصلش نشوف مع بعضنا ايه بيحصل فى الشغل عندىوواعتقد انه بيحصل مع كل واحد فينا كل يوم عملقابلت اثنين زملائى عند الاسانسير وكان بيكلمو عن المدير الجديد اللى هايمسك الادارة الاول : شوفت اللى حصل ينهار اسود ينهار اسود دنيا بنت تييييييت, صح ماشيةبظهرها واللهالثانى : ايه ايه اللى حصلالاول : عارف استاذ عادل الثانى : ايو عارفه افتكر حاجة عدلة على الصبح ده راجل بهيمة ولا فاهم اى حاجه ده انا شاكك انه معهوش ابتدائيةالاول : اهو البهيم دة بقى مدير الادارة بتاعك بعد وفاة استاذ عزت الله يرحمهالثانى (مع لفظ اعتراض شهير فى مصر :اذاى ده حمار ده ماينفعش ده شخصيتة ضعيفة وكمان بتاع حريم يعنى قابلين لو فى موظفة معاملتش شغلها ويكلمها دى هيه تقولة صباح الخيريا ريس وهييهي وشكرا يامعلم واحنا نشيل الطينوفى نفس الوقت كان باب الاسانسير بيتفتح ويخرج استاذ عادل مع لفيف من الموظفين ويتحرك الاثنين موظفين تجاه قائلينالاول : نهنىء انفسنا ياباشا ,الرجل المناسب فى المكان المناسب ويعنى ده احنا كنا بندعيلك واللهالثانى : والله والله لو كنا عملوها بالترشيح والانتخاب كنا اختارناك ياريس والله مفيشغيرك ينفع للمكان اصلاوالمدير ماشى يسلم على الناس باطراف اصابعة و تناكة تدل على الفراغ والحرمان وتبدا مرحلة الشبع بعد الجوعوهكذا الحال بالنسبة لتولى المنصب لولا الصدفة موت فلان وفلان قريب فلان يعين فلان فى المنصب الفلانى والدنيا ماشية(سوء ادارة اختيار)راو يكون فلان معاه فلوس متعرفش وارث ولا جايبها منين يعمل مشروع بفلوسة ويجيب ولاد الناس يبهدلهم ويتمريس عليهم او يكون واحد ياخدها بالاقدمية زى الجيش حتى لو كان مش فاهم حاجةالمهم اتعرفنا علي المدير الجديد واتعرف علينا واول حاجه لاحظت انه بيكلم عن نفسة كتير وديما كلمة (انا فاهم كل حاجة)على لسانه على طول حتى لو حاجة جديدة محدش فى البنك كله يعرف عنها حاجة وفى بعض الاحيان نقعد نشرح له موضوع معين هو مش عارفة ويلف الكلام ويعمل نفسة انه هو اللى بيشرح لنا او يعدى كام يوم ويندهلنا ويشرح لنا نفس الكلام من تانى عامل فيها ناصح المصيبة الاكبر ياجماعة مديرتى المباشرة ماشا الله راس كرومبه ولافاهم اى حاجة عن الكفته متحكمه تحكم غريب وعجيب من اللى كلمتها ماتنزلش الارض ابدا ,حنفى, هاتنزل المرة دى,فى مرة مثلا لقيتها مش عارفة تطبع صفحة وورد ظبط البرينتر وقلتلها ياريت لمل تيجى تعملى اى خطاب تطبعى الصفحة الحالية علشان مايطبع الملف كله واحنا عايزين منه ورقة واحدةلقيت وشها اتحول زى الافلام الرعب وقالتلى انت هاتعلمينى شغلى انت فاكر انك تفهم اكتر منى انا بخليك تساعدنى علشان انت تتعلم وطبعا كل يوم ارمى رزمه ورق كاملة علشان خاطر جواب واحدة وهى كل همها ان كلمتها تمشى مش مهم اهدار مال عام او غيرة والمصيبة الاكبر ان فى مرة اقترحت عليها اقتراح فى الشغل من باب التطوير فى العمل بعدها لقيت المدير بيجمعنا وبيقول :مدام نعيمه فكرت فى فكرة جميلة جدا عايزكوا تساعدوها على تنفيذها وطبعا انا حصيلى زهول وقلت مش معقول يبقى الفكر بتاعى وهيه تاخدوا على طولطبعا لما لقيتنى هاتكلم واعمل ثورة وحقى وبتاع لحقت نفسها وقالت باللفظ وانا قاعدة مع حسن نتناقش فى الشغل اوحى لى بالفكرة دى يا ريس وهيهيى, طبعا انا ماسكتش لكن بعد هيهيى دية المدير مادنيش فرصة اتكلم ولبست فى الحيطةوبطلت افكر طالما فكرتى بتتسرق وكنت فى بعض الاحيان بقعد وماقدرش امشى غير لما اخلص كل الشغل اللى عليا وهى كل همها انها تروح البيت الساعة 3 علشان الاولاد حقها لكن لما لقيت المدير بيقدر انى بقعد فى الشغل حبت تشوه الصورة قالت اننا بنقعد علشان خاطر الاضافى واننا مابنعملش شغل وشغلها بيخلص بدرى علشان هى شاطرة واحنا عيال بليدة و بنتاخر والمصيبة الاكبر انه ممكن تضيع اليوم كله فى حاجة تافهة وتاخر شغل بملايين علشان خاطر مثلا تحل مشكلة خاصة بيها لان الباص بتاع الشغل بيتاخر عليها طبعا ناهيك عن انها بتستخسر تديك اى معلومة فى الشغل عايزاك ديما تكون محتاج ليها علشان تحس بيقمتها حتى لو الشغل اتاخر وبعد تجارب كتيير مع مديرين سبق الاختلاف معاهم لنفس الاسباب لقيت نفسى غصب عنى لما اعوز منها اى حاجة فى الشغل لمصلحة الشغل لازم احايلها واديدها واقلولها باسم الدلع بتاعها(ياقمر ياسكر ياجميل يابنت التيييت) كانها مراتى وعايزها تعملى كوباية شاى علشان تدينى معلومه خاصة بالشغل علشان الدنيا تمشى وتغضب جدا لما تلاقى ان علاقة الزملاء ببعض جيدة وتحاول ديما توقع بينهم وتثير المشاكل علشان كل واحد يبقى ولاءه ليها وبس حاولت اقف قصدها واعاند لقيت ان ممكن اخسر شغلى لان فى مصطلح عجيب سمعت عنه وهو الزر ممكن تزرنى ,كلمة عجيبة مش كدة,لكن حقيقة ممكن تزرنى عند المدير بتاع هيهييي واتنقل واخسر شغلى واصبحت فى النهاية حيران بحاول اعمل شغلى صح والله من وراهم لانهم لو اكتشفوا انى بعمل الصح وهما بهايم ممكن يعملوا فيا اى حاجة تتخيلهاتتخيلوا لم نوصل لمرحلة ان لو عايز تعمل شغلك صح او تفكر لازم تتدارى وتخبى كانك بتعمل الخطاءياجماعة المفروض المدير يتم اختيارة على اسس علمية ,خبرة وكفاه وشخصية جيدة وصحية زى مابيحصل فى الدول والشركات المحترمة ممكن يكون مدير فاهم فى شغلة كويس لكن مايعرفش يشغل موظفين تحت منه ويعلمهم حتى لو اخذ تدريب على ذلك مش عيب ياخوانا(سوء ادارة)الادارة مش كلام نظرى الادارة فكر يطبق وفكر مجموعة او مؤسسه مش فرد بمجرد موته او يحصله حاجة تنهار المؤسسة لانه اتعلم ان محدش يفكر او يقرر غيرة حتى لو كان كويس اللى هايجى بعد هيغير علشان يثبت وجودة حتى لو على حساب العمل او يكون مريض نفسى عايز يطلع عقدة على الاخرين علشان نافق عايز الكل ينافقوا لما يوصل علشان سرق عايز الكل يسرق علشان يحس ان الكل زيه حرامية علشان بيعمل شغلة اى كلام عايز الكل يبقى زيهمش دى مصرمش دى الادارةحرام عليكوا كفاية لقيت نفسى وباعلى صوتبقول اتفو على الادارة وعلى المدير وعلى الموظفين وعلى اللى عايزين يشتغلوابلد وسايط بنت تييييييييييت مش عايزة اجتهاد عايزة قرايب ومحسوبية ومافيش مانع من هييهىىىىى كمان علشان توصلوبكل قرف ياجماعة بقول اتفووووووووووووووووووووووو
بقلم حسن فتحي
No comments:
Post a Comment