العدد الاول(الشرطه فى خدمه الشعب)؟اتفووو1

اعمل كمهندس مبيعات فى احدى شركات القطاع الخاص وقد قرر صاحب الشركه ان يعطى سياره لكل مهندس فى الشركه حيث اننا نسافر كل يوم الى المحافظات المجاوره حتى نستطيع ان نبيع منتجاتناواستلمت العربيه الجديده وركنتها تحت البيت حتى تستقر فى امان.صحيت من النوم الصبح بدرى عشان اركب العربيه الجديده بقى عشان اروح الشغل وسبحان الله صحيت فى ميعادى بالظبط فى اليوم ده فرحان بقى انى هاروح الشغل بالعربيه الجِديده غسلت وشى وغسلت سنانى واتوضيت وصليت واتوكلت على الله نزلت لقيت العروسه واقفه بضهرها تحت البيت منوره الشارع والله ببص عليها من قدام كان هيجيلى سكته قلبيه لقيت الاكسدام على الارض والرفرف اليمين مدمر شعر صدرى وقف من الخضه قلت يا نهار اسود ومنيل ايه اللى حصل؟ايه اللى حصل يا منطقه واطيه يا عالم يا معفنه عملتوا ايه فى العروسه؟رد عليا واحد ابن حلال قالى بس يا باشمهندس كان فيه عربيه نقل بتعدى من الشارع امبارح يمكن يكون هو اللى خبطك رد واحد تانى بس مش ابن حلال اوى قالى ويمكن يكون مش هو يا باشمهندس ورد واحد تالت ابن حرام اساسا قالى مانت اللى راكن غلط اساسا قلت يا دى المصيبه السوده اللى وقعت على دماغك هتعمل ايه بقى دلوقتى يا فالح؟قلت اه انا اكلم بقى صاحب الشركه اقوله وهو يقولى اعمل ايه؟يا فتاح يا عليم يا رزاق يا كريم ده ايه الاصطباحه المنيله بنيله دىالو صباح الخير يا فندمصباح الخير يا باشمهندس انت لسه مرحتش الشركه؟اه معلش يا فندم اصل نزلت لقيت العربيه فيها كذا وكذاسمعت ضحكه سخريه طوييييييييييييله وفى اخرها صوت كان بيعمله جدى الله يرحمه لما يكون نايمقلت خير يا فندم انت نمت ولا ايه؟قالى نمت ايه يا روح امك انت بتقول ايه اللى حصل فى العربيه؟قلت له ايه يا فندم انت بتكلمنى كده ليه انا قلت الحقيقه؟قالى طيب اطلع على القسم يا خفيف اعمل محضر تأمين وتعالى الشركه بكره عشان توديها التامين عشان يصلحوهاقلتله وبكره ليه يا فندم مانا ساكن جنب القسم اساسا سا عه زمن واجى على الشركه ان شاء الله سمعت صوت صفاره كده تيت تيت تيت تيتقلت لنفسى بقى انا اسيب العربيه مكانها عشان لمابتوع المعمل الجنائى يجوا يعرفوا يرفعوا البصمات براحتهم وميكونش حد قرب من مسرح الجريمهواخدت بعضى وطلعت على القسمملحوظه رفيعه:انا عمرى فى حياتى مادخلت قسم بوليس حتى لما عملت البطاقه كان ابويا الله يرحمه ظابط فى الجيش فهو اللى عملهالى من غير مااروح القسم ولذلك دى كانت اول زياره ليا لهذا المكان الجميلدخلت القسم شكله قديم خالص من ايام الملك كده مثلا اول مادخلت لقيت كشك من اللى بينام فيهم الكلاب والريحه اللى خارجه من الكشك بتدل على انه كلب بلدى معفن قاطعين ديله وليل ونهار عمال يعمل بيبى فى الكشك دهوفجأه سمعت صوت خارج من الكشك ده بيقول انت رايح فين؟قلت سبحان الله هى الكلاب بتتكلم فى الاقسام ولا ايه؟وطلعلى من الكشك ده بواقى بنى ادم اصلى ابقى كداب لو قلت بنى ادم كامل زينا كده قلت له انا عايز اعمل محضر لو سمحت قالى خش لحضره الظابط جوادخلت لحضره الظابط جوا ده فلقيت تلات ضباط شرطه كلهم شباب من سنى وتلاته امناء شرطه فيهم واحد فى سنى بتاع25 سنه كده وواحد عنده بتاع 38 سنه وواحد عنده بتاع45 سنه كده وقاعدين هما السته عمالين يضخكوا ويهزروا مع بعض دخلت وانا على وجههى ابتسامه مابين الخوف والاستعطاف كده وقلت صباح الخير يا فندم ممكن اعمل محضر لو سمحت؟محدش رد عليا وفضلوا يضحكوا ويهزروا برضه قلت عادى يمكن مش سامعنى مع انى واقف فى وسط الاوضه بس مفيش مشكله نعلى صوتنا شويه مفيش مانعفعليت صوتى شويه ممكن اعمل محضر لو سمحت محدش رد برضه ولسه بيضحكواقلت يمكن دول عالم طارشه ولا حاجهاعلى صوتى على الاخرممكن اعمل محضر يا بيه لو سمحت؟فجأه لقيت الضحك وقف والوشوش المبتسمه الضاحكه اكفهرت ونزل عليها غضب ربنا وكأنهم لبسوا وشوش من اللى بتخوف دى واتحولوا رد عليا عيل قصدى ظابط من اللى قاعدينقالى عايز تعمل محضر ليه؟قلت له عربيتى اتخبطتقالى محضر تأمين؟قلتله اهقالى طيب استنى بره لما حد من الامناء يفضى يبقى يطلع معاك يعاين العربيهبصيت بطرف عينى على التلات امناء اللى كانوا قاعدينلقيتهم فاضين مردتش اتكلم قلت برضه احنا ساعه صبحيه والساعه لسه 7ونص الصبح مفيش مشكله نستناهم شويهاستنيت على دكه بره المكتب بتاعهم كده لقيت الساعى جاى يقولى تشرب ايه يا بيه؟ قلت له لا شكرا انا ماشى على طوللقيته بيضحك ضحكه بسخريه كده فقلتله انت بتضحك على ايه قالى شايف اللى هناك دول بصيت على اتجاه اصبعه السبابه وجد انه يشير الحبس الرجالى قالى ماكل دول قالوا انهم ماشين على طولقلتله يا بنى دول مجرمين انا جاى مجنى عليابصلى من فوق لتحت وقالى هههه من فارقه كتير يا بيه؟الساعه بقت 8 خلاص اظن كده بقى ريحوا شويه ودلعوا نفسهم نخش بقى عليهم مساء الخير لو سمحت عايز اعمل محضررد عليا الامينانت مش شايفنى بفطر؟بصيت لقيتهم كل قدامهم ساندوشتات الفول والطعميه والبتنجان والبصل والطورشى ظباط وامناء ووجدت ان شكلى محرج اوى وانا واقف فى الوسط وكله عمال يطفح كدهقلت اخرج ولما يخلصوا ادخل واشوف ايه النظامخرجت بره اشم شويه هوا كده احسن ريحه البتجان مع العرق بتاعمهم مع روائح اخرى جايه من عندهم برضه مع اصوات غريبه كأنها قادمه من داخل مغارات على بابا عامله كولكشن جميل خرجت لقيت الساعى جايلى تانى مش هتشرب حاجه يا استاذ برضه؟ قلتله يا بنى مش عايز قالى بص يا بيه انت مش هتعمل المحضر بتاعك غير لما يفطروا ويشربوا كبايه الشاى ويحبسوا بسجارتينقلتله طيب يا خويا انا هاستنى هنا بقى لحد ماخلصوا المزاج العالى بتاعهم دهالساعه 8 ونصانا هادخل بقى اشوف ايه نظامهم بقىدخلت سمعت اصوات غريبه سووووووووب تعئئئئئئئئ فسسسسسسسقلت اي ده انا دخلت مصنع ولا ايه اتارى تسوووووووب دى صوت رشفهم لكوب الشاى الساخنتعئئئئئئئئده صوت خارج من فمهم برائحه القنابل المسيله للدموعفسسسسسس ده صوت خارج عن القانونقلت يا ربى ايه السيرك القومى اللى انا فيه ده بقى انا عايز انجز واروح الشركه بقىرحت رايح لامين من ضمن الامناء لو سمحت انا عايز اعمل محضر قالى يا عم معرفنات من الصبح انك عايز تعمل زفت مش تننيل على عينك لما تشرب كوبايه الخرا اللى فى ايدينا الاول ده ايه القرف اللى على الصبح دهقلتله انت بتككلم معايا كده ليه اصلا؟ هو المفروض انى افضل مستنى معاليك لحد ماتخلصلقيت واحد تانى بيقولوا سيبك منه سيبك منه اطلع بره يا كابتن وسيبك بطاقتك هنا واحنا هننده عليك لما يجى دورك؟قلتله دورى انتوا هتجننونى هو فيه حد غيرى فى القسم قتالى بقولك ايه انت هتعرفنا شغلنا ولا ايه سيب البطاقه لو عايز تعمل محضر واطلع بره؟لم اجد حلول ارخى سبت البطاقه وخرجت قعدت على الدكهلقيت الواد الساعى جاى ماقتلك يا باشا مسمتعش كلامى تشرب شاى بقى؟قلتله يا عم مش عايز اشرب حاجه قاتلى ماهو بصريح العباره القعده هنا بالمشاريب بقىقلتله نعم يا خويا ازاى يعنى؟ قالى ماهو يا تشرب شاى ياخد منك ارضيه قلتله ارضيه ايه؟قالى الدكه دى انا اللى جايبها هنا ولما تقعد عليها يبقى لازم تنفعنى بحاجه قلتله يعنى انت بتعمل شغل جوا القسم قاتلى التعبان بيرزق فى الشجره يا بيهوكويس انى مش عامل مانيوم اتشرشر(min charge)قلت صح عندك حق والله طيب هاتلى كويايه شاى يال بنى قالى طيب هات خمسه جنيه؟ قلت له نعم يا خويا بتوع ايه ان شاء الله قالى حق الكبايه قلتله ليه يعنى قالى هى التسعيره كده 5 جنيه للمجنى عليه 8 جنيه للجانىقلتله الجانى بعد يومين قلتله غور ياض من هنا والله لاقف ومش قاعد على الدكه دى تانىالساعه 9 تسعه ومحدش نده على اسمى ومفيش حد غيرى يا جدعان قلت لا بقى مبدهاش انا هادخل اشوف ايه اللى بيحصل جوا ولسه هاقوم لقيت طابور داخل من بابا القسم وفجأه العساكر اترست يمين وشمال وكشك الكلب اللى على اول القسم خرج منه بتاع 10 عساكر كده وطابور من البشر داخل كله وراه بعضه والعساكر عماله تزرفهم على قفاهم طاخ طوخ ديب داب اى اوه دخلوا على الظباط اللى جاوهووقف العسكرى يؤدى التحيه تمام يا فندممين دول يا بنىدول سواقين ميكروباصات يا باشاقالوا طيب رصوهم كلهم هنا يا بنى انترصوا السواقين ذى البيه ما قالواتقدم واحد واحد ودار الحوار كالتالىانت شغال على عربيه مين ياضانا شغال على عربيه الامين طاهر يا باشا بتاع قسم بولاقوانت ياض يالىهناك على عر بيه مينانا على عربيه الامين مدحت بتاع قسم الهرموهكذا كل واحد شغال على عربيه يقول على عربيه مين فى الاول مفهمتش بس بعد كده ابتديت استوعبيا نهار اسود هى العربيات الميكروبصات اللى فى الشوارع دى بتاعه امناء الشرطه اصلا ومشغلين عليها السواقين لقيت الظابط بيقولهم طيب العملوهم محاضرقلت الحمد لله لسه العدل بياخد مجراهقلت اشوف انا بقى ايه قصتى رحت للظابطلو سمحت يا باشا انا عايز اعمل محضر قالى يا بنى اطلع بره لحد مانادى على اسمك مش طالبه وجع دماغ وفجأه لقيت صوت هرجله وهرج ومرج بره القسم ودخل اتنين امناء شرطه هدومهم متقطعه ومتبهدله الظابط قالهم فيه ايه ؟ايه اللى عمل فيكم كده؟قالولوا كان فيه عيال بيشربوا بانجو فى شارع فيصل جريوا لما شافونا جرينا وراهم فضلوا يدخلوا فى حوارى لحد ماراحوا على ابو اتاته ودخلوا على عزبه النخل هناك دخلنا لقينا ازايز مولوتف بتتحدف علينا وطلع علينا عيال بسيوف وزنج ومطاوى وخدوا مننا العصيان والحمد لله ان مكنش معانا الطبنجات الميرى بتاعتنااخنا لازم حقنا يججى يا باشاقالهم بس ياض يا اهبل انت وهو خشوا الحمام غيروا هدومكم اللى اتقطعت دى واغسلوا وشكم دى منطقه المعلم حسن ابو جبل وانتوا اللى غلطانين من الاساسقلت فى بالى الحمد لله العدل بياخد خراه؟؟؟؟؟المهم الساعه بقت 10 ده ايه ايوم الاسود ده انا عايز اعمل المحضر بقىدقتين ولقيت شويه عيال سنهم كلهم مايعديش ال12 سنه بالكتيرالظابط من دول يا بنىطول العيال بتاعه التكاتك يا باشاقالوا ارميهم فى الحجز كلهم لحد ما الملعمين بتوعهم يجوا يضمنوهمالعسكرى بلاش الحجز يا باشا الواغش اللى جوا بيعملوا فيهم حاجات مش مظبوطهالظابط:بقولك دخلهم ياكش ياكلوهم حتىقلت يلا انا مالى خلينى فى حالى عشان اخلص مصلحتىيا باشا خلينى اخلص بقى بصلى بكل قرف خير عايز ايهالمحضر ياباشا محضر التأمين على العربيهيا بنى ان مش قلتلك روح لاى امين خليه يعملك المحضر عايز منى انا ايه بقىطيب يا باشا حاضر هاروحلهطيب اختار مين فيهم بقى اتوكلنا على الله انا هاروح لأصغر واحد فيهم لو سمحت بعد اذنك عايز اعمل محضر بقولك ايه انت شكلك هتقرف اللى جابونا استنى يا استاذ بره لحد ماننده على اسمك احنا ورانا محاضر بالهبل ومش فاضين دلوقتى قلتله يا باشا هى مش الشرطه فى خدمه الشعببصلى من فوق لتحت كده وقالى بصوت يشبه صوت المقطوره:لاقلتله لا ازاى يعنىقالى لا مش فى خدمه الشعبقلتله ازاى هو مش ده الشعار بتاع الشرطه اصلافقالى :لااحنا غيرنا الشعار بص على اللوحه الجديدهبصيت على اللوحه لقيت فعلا ان الشعار متغيرمكتوب:الشرطه والشعب فى خدمه الوطنقالى اقراها بقى بصوت على كدهفقرأتها قالى يبقى الشرطه مش فى خدمه الشعب واطلع بره بقى احسنلكقلتله هو ايه اللى احسنلى هتعمل ايه يعنىقالى بقولك ايه انا هاريحك لحظه واحده كدهولقيته قام من على المكتب وراح للظابط وشوشه فى ودنهلقيت الظابط بيشاور بأديه كأنه بيقوله ماشىلقيت الامين جاى عندى بيقولى ورينى ايدك كدهقلتله خيرقالى ورينى بس وراح حاطط الكلبش فى ايدىيانهار اسود ومنيل انت بتعمل ايه يا عم انت قالى ازعاج سلطات يا روح امك مش انت عايز تعرف الشرطه فى خدمه مين انا هاوريكوراح واخدنى من ايدى وانا بزعق بصوت عالى وراح رامينى فى اوضه مكتوب عليها الحبس الرجالىحجره ضلمه خارج منها رائحه نفاذه رائحه نشادر كأنى اترميت فى مبوله وشدوا عليا السيفون كمان مش شايف حاجه وسمعت صوت فجأه زى الرعد ميييييييييين؟قلت سلام عليكمرد الرعد وعليكم السلام يا خويا تعالى هنارحت فى اتجاه الصوت بس مش بمذاجى بقوه الدفع لم اره وجهه واحمد الله انى لم اره وجهه لان صوته يدل على ان وجهه يشبه الديناصور قالى قلب نفسك بسرعه بدل مانقلبك قلتله انت مين اصلا؟ومكملتش واللهلقيت شفره بتلمع فى وشى وايد غريبه بدخل ججوه جيوبى بتخرج كل حاجه فيها وايد اتمدت على اساعه قطعتهاغ وقطعت معاها جلدى وتحركت الشفره ببطء على وجهى ودم يسيل بملمسه الدافئ على خدى وصدر صوت الرعد يلا روح اترزع هناكاخدت ركن وانا بموت من الرعب جسمى كله بيترعش وفجأه سمعت صوت تانى صوت برق بقى المره دى بيقول:زونفولى انت فين؟قلت يانهار اسود زونفولى احنا فينا من زونفولى كمانلقيت صوت شبه العرسه كده بيقول:خير يا معلمقاله هاتلى حبيتين عشان رايح اخد الطريحه كمان شويهسألت اللى جنبى هو فيه ايه قالى اصل المعلم بدوى عنده تحقيق دلوقتى وبياخد برشامه من الواد زونفولى عشان مايحسش بالضرب قلتله برشام فى الحجز؟؟؟؟؟لقيت الباب اتفتح ودخل النور والعسكرى اللى شبه عود القصب بيقول تعالى يا معلم بدوىجريت على العسكرى قلتله ابوس ايدك يا دفعه خرجنى من هنا انا معملتش حاجهقالى انا مالى يا عم انت ورزع الباب فى وشىنظرت فى الظلام الدامس وسرحت هو انا هنا ليه؟هو ايه اللى بيحصل؟هو انا عملت ايه؟طيب ازاى؟وقطع حبل تفكيرى صوت فتح الباب مره اخرى ودخول مجموعه جديده وكأنهم بيحدفوهم من بره داخلين جرى وعمالين يتكعبلوا فى بعض واترزع الباب مره تانيهسمعت صوت الرعد:ميييييييييييين؟لقيت اصوات المجموعه الجديده فى نفس واحد:سيباسهصوت الرعد:امانسألت الشخص اللى جنبى ايه الكلام ده؟قالى:دول العيال بتوع المظاهرات اللى فى الجامعه وغالبا مش بيبقى معاهم حاجه فالمعلم اداهم الامانقلت وبعدين فى الوقعه الطين دى انا ايه اللى بيجرالى ده يا ربىوفجأه دبت خناقه بين زونفولى اللى بيبيع البرشام والملعم اللى صوته زى الرعد ده واصوات اهات واوصوات جلود بتتقطع ودم بيسيل واصوات سلاح فى الهوااتفتح باب الزنزانه ولقيت الظابط ومعاه اربع عساكر كل واحد فيبهم ماسك جردل وراح رامين اللى جوا الجردل علينا فى بدايه الامر افتكرتها ميه بس للاسف مطلعتش ميه ده ايه الريحه المعفنه اه يا ولاد الكلللللللللللب ربنا يخرب بيتكوا انا عايز اخرج من هنا يا كفرهالظابط سمعنى قالهم هاتوه انت عايز ياضيا باشا انا مليش دعوه بأى حاجه انا عايز اخرج من هنا انا كل مافى الموضوع انى كنت عايز اعمل محضر ومش عارف انا مرمى هنا ليه؟قالى اه مش انت الل كنت بتبطنبط بالكلام مع الامين عوفقلته حقك عليا يا باشا اخر مره والله العظيم اخر مره يا باشا والله ماهنطق انا هاخد بعضى واروح على بريتنا انا مش عايز محضر ولا نيلهقال العساكر طيب خرجوه اخدت ديلى فى سنانى وجريت وانا لسه على باب القسم افتكرت يا نهار اسود البطاقه بتاعتى جوا طيب والعمل لا لازم اخدها انا لو سبتها ممكن يعملوا بيها قضيه ولا مصيبه على دماغهم ولا يلبسونى اى حاجهقلت انا مش هاروح بقى لاى ظابط انا هاطلع على المامور على طولبس ده هاخشله ازاى بسايوه الواد الساعى اكيد هيبقى عارفرحتله قلتله انا عايز ادخل للمامور قالى مره واحده كدهقلتله الموضوع فى منتهى الاهميهقالى طيب هات عشره جنيهقلتله ماشىمديت ايدى فى جيبى لقيت جيبى مخروم افتكرت اللى حصل فى الحجز قلتله انا مش معايا ولا مليمقالى انت صعبت عليا وانا هاطلعكقلتله هى الساعه كام دلوقتى قالى الساعه 7 المغرب قلت يا نهار اسودطيب والنبى طلعنى بسرعه قالى انا هادخله القهوه دلوقتى وانت حظك حلو ده مزاجه رايق على الاخر النهاردهقلتله طيب خير قالى انا هاقوله انك واحد قريبى وعندك مظلمه قلتله ماشىدخل الساعى بالقهوه وبعديها بنص ساعه كده قالى تعالى ادخل بس امانه عليم 5دقايق بالظبط وتخلص احسن الباشا مش فاضى يعنىقلتله يا عم دخلنى وخلاص عقد العزم والنيسه انى احكيله على كل اللى حصلى النهارده والبهدله اللى شفتها من الرجاله بتاعتهدخلت المكتب اول ما داست رجلى على الموكيت اللى فى الارض شميت ريحه التكييف حسيت ببراحه رائحه السجاره اللى بالمنتول معبأه الجو بصيت على المكتب لقيته مدينى ضهرى قلتله مساء الخير يا باشا ابتسم قالى انت قريب محمود قلتله محمود مين؟اتقلبت الابتسامه لتكشيرهقالى محمود الساعى بنبره حادهقلتله اه حوده معلش يا باشا اصله معروف عندنا فى البلد ان اسمه حودهانا عايز احكيلك يا باشا على اللى شفته فى لقسمقالى خير يا بنىوحكيت واصظفت فى الحكايه قلتله ليه كده يا باشا؟ده الناس دى اللى بتحمينا؟دى الناس دى اللى بتجيبلنا حقوقنا ليه بيعملوا كده لايه بيحطوا العصايا فى.....بق الناس لما تحب تتكلمليه بقم مرتشين ليه بقم حراميه وبلطجيه معغقوله رجاله الشرطه بقم تجار مخدرات واصحاب ميكروباصات وتكاتك ازاى اللى بيحمينى بلطجى بيدافع عن اللى يدفع اكتر؟يعنى لو انا ظالم ودفعت ممككن ابهدل المظلومايه قمه الظلم ده ليه كده يا باشاالناس لو ملقتش حد هايحميها هتتحول كلها لبطجيه وقتالين قتله هنبقى فى غابه القوى فيها بينهش فى عضم الضعيف لو مليش ظهر هتاكل زى الحمير اللى بيرموها للأسد فى السيركالقانون فقد قوته فبقى كل واحد بيعمل اللى على مزاجه لان القوانين بتاعتكم مليانه ثغرات وثقوب ولو مش مليانه ممكن بالفلوس اعمل اى حاجهمين له مصلحه فى كده الحكومه ولا الامريكان ولا اليهود ولا مين؟يا باشا الناس بقت خايفه مرعوبه مش حاسه بالامان فى حضن بلدها خرام عغليكم الاهانه دىطول مااحنا بنتهان فى بلدنا عمر اللى بره بلدجنا ماهيحترمناالمصرى بيضرب بالجزمه فى اى حته لانه بيضرب بالقفا جوا بلدهكفايه اهانه بقى كفايه بلطجه بقىكفايه سرقه بقىكفايه رشوه بقىكفايه محسوبيه بقىكفايه كفايه كفايه كفايهلقيت الراجل بيبصلى باستغراب بعد ان ملأت الدموع عينىقالى انت فكرتنى بنفسى ايام زمان لما كنت فى سنك بس الناس دى يا بنى غصب عنها عشان ظروف البلد الاقتصاديهقلتله الضمير مش محتاج لظروفقالى لا محتاج انت مش فى المدينه الافلاطونيه هنا وانا اوعدك انى هاحاول اعمل حاجهقلتله ان شاء الله قالى طيب انزل للامين عوف ووانا هاكلمه فى التلفون وهاقوله يديك البطاقه ويعملك المحضر كمان ولما تخلص اطلع هنا عندىقلتله امرك يا باشانزلت للأمين عوف لقيته بيقولى الله يخرب بيتك انت طلعت للباشا الكبير ازاى؟قلتله نصيبى فين البطاقه بتاعتىقالى اتفضل يا خويا وتعالى بقى عشان اعملك ام المحضر بتاعك ده قالته تعالى البيت مش بعيد رحنا بص على العربيه قالى طيب ابرز بقى حق رسوم المحضر قلتله ايه رسوم المحضر دى قالى عمودقلتله نعم عمود يعنى ايه قالى يعنى 100 جنيه قلتله يا عم انا المجنى عليه انا اللى عربيته اتخرشمتقالى هى دى عربيتك قلتله لا عربيه الشركه قالى طيبهات الرخصه بتاعه العربيه ورخصتك اتلشخصيه قالى مش من حقك تعمل محضر قلتله نعم قالى لازم يبقى معاك تفويض من الشركه من المحاسب القانونى بانك تعمل محضر للعربيه وتروح الشهر العقفارى توثقه هناك وتخلى اتنين موظفين ميقلش مرتبهم 5000 جنيه فى الشهر يمضوا عليه وادى دقنى لو لقيت موظف بياخد نصهم حتىلقيت نفسى بنمتهى السلاسه بطلع بنده على اخويا وبقةوله نزلى ميت جنيه يا بنىرحت مديها للأمين عوف قالى متخفش احنا مش بنعكمل حاجه فى الضلمه انا عايزك لما نروح القسم تقول للظابط ان الامين عوف خد منى 100 واطلع للباشا بتاعك قوله الاميبنعوف خد منى 100 ولما تروح شركتك خش لصاحب الشركه قله انا عايز 100 جننيه اللى اديتها للأمين عوف اللى فىالقشم عشان خاطر يعملى المحضروانت تسرق منه وهو يسرق من الناس وانا اسرق منك وهكذا يباشارجعنا القسم لقيته جاب ورقه فلوسكاب وكتب فيها بالنص انه فى تمكام الساعه السابعه صباحا بحضور المهندس وكتب اسمى تكم فتح المحضرس:اسمك وسنك راح ناقل الاجابهمن البطاقهس:ايه اللى حصلب:ج:كنت ماشى فى شارع الهرم لقيت عربيه كسرت علسيا وراح خبطنى وجرىس:شفت نرمتهج:ملحتش غير رقم واحد بسش كان فيها 4س:كانت ملاكمى ايه:ج:جيزهبمعاينه السياره وجد انه يوجد اثارخبط فى الرفرف الامامى والاكسدام المامى والفانوس الامامى وراح بصلى قالى فيه حاجه فى العربيه انت خابتها قبل كده تحب نكتبها فى المحضر عشان التأمين يصلحالكقلتله لا شكرا انا لسه مستلكمها اكترقالى انا كنت عايز اخدمك بسقلتله لا شكرا واحان بنتكلم لقيت واحد واحد واقف وملموم حواليه كل الظباط اللى فى القسم وسامعه بيقولا انت كويتى بقى اهلا وماشى عكس ده احنا هننفخك هنا والراجل واقف مرعوب ماشى عكس يا روح امك ماهو لو انا كنت فى بلدك كنت سبتنى ده انت كنت علقتنى وفجأه دخل القسم بنت فى الثانه عشر من عمرها بتقول انها زوجه هذا الرجل لقيت الظباط اتلموا حواليها وانتى مين بقى يا قمر؟انا مراتهيا بن المحظوظه ماهوبفلوسك يا بن الخليجى لقيت نفسو واقف فى وسط القسمعلى يمينى شيخ وظابيط واقف قدامه بيقوله وحياه امك لهنتفلك شعر دقنك ده بقى بتجيب سيره الريس فى الخطبه بتاعه الجمعه على شمالى لقيت ظابط ماسك دماغ واحد عمال يضرب فيها بالاقلام على وشه وبيقوله عاملى ثورجى يا روح امك وبتوزعلى منشورات فى الجامعهامامى لقيت ظابط ماسك سواق ميكروباص وعمال يعد فى فلوس الواد بيدهالواورايا لقيت ظابط ماسك بنت عندها 18 سنه كدهوعمال يديها بالبوانى فى وشها ويقولها دعاره يا بنت الكلب وانتى لسه مبلغتيشحسيت ان الدنيا بتدور حواليه والاصوات كلبها بتداخل فى بعضيها وفجأه صمتاستوقفنى سؤال؟هى دى مصر بلد الامن والامانهى طريقه حلول المشاكليا خراب بيتك ا مصراخرجنى من صمتى صوت الامين عوف وهو بيقولى يلا عشان نطلع للباشا المأمورقلتله متعرفش هو عايونا ليه؟قالى اصله عازم القسم كله على عيد ميلاده النهارده وجايبنله تورتايهدخلت لقيت الشمع محطوط فى التورته والكل وقف حوالين المأمور والكل مبتسم والتلفونات عماله تهل عليه وهو بيقول وانت بالصحه والسلامه يا باشا كله بتوجيهات معاليكووقفوا جميعا امام التورتايه وابتدوا يغنىوايلا حالا بالا بالا حيوا ابو (الفساد)؟؟؟خرجت من القسم وانا انظر الى تلك اللوحه القديمه التى كان مكتوب عليها (الشرطه فى خدمه الشعب)وقد اكلها التراب ولكن عندما دققت النظر وجدت ان التراب قد اكل حرف الميم الموجود فى خدمه لتصبع مثل عرف العين وقرأتها جيدا وجدها(الشرطه فى خدعه الشعب) ملئت صدرىبالهواء المنعش الموجود خارج القسم وسألت على الساعه قالولى لى انها السابعه صباحانظرت نظره اخيره لليافطه القسم وقلت بأعلى صوت اتفوووووووووووووو

بقلم عمرو سامي