الف الف مبروك يا علىمبروك يا حبيبى على التخرج لو ابوك كان عايش دلوقتى كان زمانه طاير بالفرحه وهو شايف ابنه بقى محامى قد الدنياالله يبارك فيكى يا امى حاسس انى هابتدى احقق احلامى خلاص الحمد لله انى اتخرجت وبتقدير جيد جدا كمان بجد كانوا اربع سنين صعبين اوىربنا يوفقك يا حبيبى وتبقى اكبر محامى فى البلدتخرج على من كليه الحقوقتخرج بعد معاناه شاقه وبرغم ان والده توفى وهو فى سن مبكر الا انه كان رجل بكل ماتحمله الكلمه من معنى يعيش على فى اسره متوسطه الحال كان والده يعمل فى مصلحه السكه الحديد ولكنه وصل لمنصب مدير اداره توفى وكان على مازال فى الخامسه من عمره انه لايتذكره جيدا وانما يتذكر لمحات قديمه من بعض الصور المتهالكه التى مازلت موجوده فى صندوق الذكريات كان والده يحلم دائما ان يصبح على محاميا وبرغم ان على قد حصل على مجموع كبير فى الثانويه الا انه قرر ان يدخل كليه الحقوق حتى يحقق حلم والده. كان يعيش على لام فى الاربعون من عمرها وكان له اخت فى الثامنه عشر مازالت تدرس فى كليه التجاره تربى على قيم ومبادئ استطاعت والدته ان تزرعها بداخله لتخرج منه رجل يحمل مسؤليه اسره باكملها زرعت بداخله حبه لدينه ولبلده حب لاسرته وها هى الان تجنى ثمار زرعتها وترى امامها ابنها الوحيد قد اصبح محاميا ان مستواهم المادى لم يكن سئ انما كان يوصف بالمتوسط على دائما كان يحلم بان يفتح مكتب ويصبح له اسما لامعا فى عالم الحقوق الضائعهكان بيحلم ذى اى حد انه يرجع حقوق الغلابه ويقبل القواضى بتاعه الناس المحتاجه ويجيب حقوق الناس وينهى على الشر ويقضى على الفساد والظلم ليعيش فى مجتمع يسوده امان وسلامكان يحلم بتلك الامانى الضائعه فى هذا الزمن الذى اصبحت فيه مثل تلك الاحلام تشبه طائر الرخ والعنقاء والخل الوفى تلك الاحلام التى اصبحت من المستحيلات التى اصبحت سلعه الضحك والسخريه من الكثيرين اصبحت محل للاستخفاف والتقليل من قيمتهايلا يا عيلوه ابتدى مشوارك فى دنيتك وشق طريقك واضرب بفاسك فى ارضك وافتح باب دنيتك الجديده ابدا فى تحقيق احلامك اللى فضلت سنين تحلم بيها __________________________________________________________________________________على القهوهصباح الفل يا عيلوهصباح الفل يا ابوخميسايه ياعم الاخبار؟لا جديدطيب وبعدين مفيش شغل ولا ايه؟مفيش ولا مكتب محامى راضى يقبلنىده ايه القرف ده يعنى احنا اتخرجنا عشان نقعد القهوه ونشرب شاى ومعسل بسلا ياعم مين قال الكلام الفاضى ده احنا لسه متخرجين واكيد هنلاقى فرصه ان شاء الله وننطلق بقىطيب انطلق يا خويا____________________________________________________________________على القهوهمساء الفل يا عيلوهمساء الفل يا ابو خميسايه يا عم الاخبارلا جديدطيب وبعدين ايه اخره القعده السوده دىادينا مستنينياعم مستنين ايه ده الواحد كل يوم يصحى يتفرج على التلفزيون لحد ماهيجيله تخلف عقلى وبعد كده يتغدى وينزل على القهوه ده انا ابويا مش طايقينى فى البيت كل شويه يرمينى بكلمتين ذى الطوب كأنه جابلى شغلانه وانا للى بقول لاطيب بص احنا بكره الصبح ناخد السى فيهات بتاعتنا وننزل على مكاتب المحامين وربنا يكرميعنى هنشحت يا على بالذمه ده اسمه كلاممش احسن من قعدتنا على القهوه كده يا خميس_____________________________________________________________________________على القهوهاه يا رجلى انا رجلى ورمت من كتر اللفربنا يخرب بيوتهم دى عالم مفتريه يا جدعدول مش ممكن دول عايزين يمصوا دم البنى ادملا شفت اللى قالك تعالوا ادربكوا ب150 جنيه فى الشهرياعم اهو ده ارحم من اللى قالى تعالى الشهر اللى جاى كل يوم من 7 الصبح ل7 بليل ومن غير و لامليم ولما قلتله اذاى قالى هابقى اصرفلك وجبه غداياعم دى عالم بتستعبططيب وبعدين؟ولا قبلين ادينا قاعدين هنعملقعد على وخميس على القهوه كل يوم نسخه طبق الاصل من اللى قبله نفس القهوه نفس الكلام نفس الحديث نفس وجهات النظر نفس المشروبات نفس الشخصات المجاوره فى الكراسى نفس العربيات التى تمر امامهم نفس الحوارات نفس البنات اللى بتعدى قدامهم نفس الحياهقعدوا على القهوه ومرت الايام واليالى والسنوات خمس سنوات وهم قاعدين على القهوه خمس سنوات تحطمت فيها كل احلامهم خمس سنوات ماتت فيهم كل الامال خمس سنوات من الحرمانلقد تحولوا الى حيوانات الى خراباتاصبحوا فارغين من الداخل ومن الخارج _____________________________________________________________________________على القهوهوبعدين يا علىمش عارف يا خميس يا على انا ابويا طردنى من البيت مرتين ورجعتله تانى لانى مليش مكان تانى ولا اعرف اجيب فلوس من حتهوانا يا خميس منظرى بقى ذى الزفت المكافاه بتاعه ابويا صرفناها كلها على جوازه اختىوبقينا عايشن انا وامى على معاش ابويا الله يرحمهوالدنيا بتغلى والمعاش ذى ماهو 260 جنيه فى الشهر بعد الضرايب والخصوماتامى هاتجنن يا خميس وانا مش عارف اعمل ايه؟بقولك ايه يا على احنا ننزل فى اى مكتب بقى وخلاص احنا بقالنا خمس سنين متخرجين يعنى خبره خمس سنينخبره فى ايه بقى ي خويا فى الشاى ولا فى القهوه ولا فى رص الفحم على الشيشه ان شاء اللهانا هانزل ياعم اى مكتب ان شا الله ببلاش المهم احس انى بنى ادمخلاص يا خميس وانا كمان هنزل معاك ونبتدى ونشوف اهو احسن من القعده الهباب دى__________________________________________________________________________فى المكتب100 جنيه فى الشهر يا قوه الله مش كتير يا بيه؟انت هتتريق ولا ايه؟لا يا بيه مش بتريق ولا حاجه رضا الحمد للهطيب يا خويا بكره تجيلى من الساعه 7 الصبح والمواعيد من 7 الصبح لحد الساعه 9 بليل ان شاء اللهتحت امرك يا بيه_______________________________________________________________________________على القهوهايه الاخبار يا عيلوهاهو الحمد لله هنزل بكره من 7 الصبح لحد 9 بليل وب 100 جنيه فى الشهر وانت؟انا بقى من 7 الصبح الصبح لحد 8 بليل ب75 جنيه فى الشهر ووجبه غداخميس انا عايز اسألك سؤال؟خير؟هو احنا محامين؟نعم يا خويا امال سمكريهيا ريتنا كنا سمكريه كان زمانا بنكسب اكتربكره ربك يعدلها يا عيلوه_____________________________________________________________________تمر الايام وتحترق شمعه العمر ومازال الطريق طويلا اين نهايه هذا الطريق انه مظلم لا يوجد به بارقه امل هل نكفر بالغد نكفر بالمستقبل نكفر بالاحلام نكفر بالالم تحول كل شئ من حولنا تغيرت الدنيا اصبحت الدنيا عباره عن يوم واحد يعيد نفسه تلقائيا اصبحت الدنيا لقطه وحيده مشهد واحد تبدل الحال بعلى فقد شهيته تجاه الحياه اصبحت سيجاره الحشيش هى ملاذه الوحيده ليهرب بيها من واقعه المؤلم ويعيش ولو للحظات فى دنيا من خياله ومن احلامه هوفقده جسده الممشوق فقد صحته و ورمى احلامه التى اصبحت لا تتمثل الا فى تجربه صنف جديد من الحشيشفقد كل شئ جميل بداخلهفقد شبابه_________________________________________________________________________________على القهوهوبعدين يا على؟يلعن ابو على ياخى على اليوم اللى اتولد فيه على مفيش بعدين يا خميس مفيش بكره يا خميس مفيش حاجه جديده يا خميس مفيش جواز يا خميس خلى الجنس يبقى وحش جوانا لحد مايقتلنا خلاينا نتفرج على المجلات والافلام والكليبات مفيش مستقبل يا خميس خلينا نشوفه واحنا مساطيل وبنشرب الحشيش وبس مفيش حاجه يا خميسطيب اهدى يا على اهدى كده وروق شويه هاتله لمون يا طلبهمش عايز حاجه يا خميس انا قايمهتروح على فين يا علىمش عارف يا خميس مش عارف____________________________________________________________________________على النيلوبعدين معاكى يا مصر وبعدين معاكى يا بلد انتى ليه قسيتى على ولادك اوى كده ده احنا ولادك اللى بنحبك هو احنا بنطلب كتير ده كله اللى عايزنه شقه مش بنقول فى الذمالك انما حيطه تدرينا وتسترناكل اللى عايزنه لقمه عيش نظيفه مش بنقول بتى فور يعنىكل اللى عايزنه اننا نحس اننا بنى ادمين مش حيوانات بتجر فى سواقىاذاى نقدر نبدع ونفكر ونحلم واحنا عايشن كده ومش متوفر لينا أبسط حقوق الانسان امال الحكومه دى لازمتها طيب مين اللى له مصلحه فى كدهطيب ليه بقى سهل انك تجيب حشيش مع انه صعب انك تجيب رغيف العيشطيب ليه بقى سهل انك تجيب مجله ولا فيلم وبقى صعب انك تجيب عروسهطيب ليه بقى سهل انك تفسد وبقى صعب انك تبقى صالحطيب ليه بقى سهل انك تلاقى الرشاوى والكوسه وبقى صعب انك تلاقى النزاهه والشفافيهطيب ليه بيدارى كده؟انت اتجننت يا على ولا ايه؟؟؟كفايه بقى يا مصر___________________________________________________________________________________-على القهوهمساء الخير يا علىمساء الخير يا بن الكئيبهانا برضه ولا انت اللى بقيت على طول كئيب وشايل طاجن ستك كده ومبقتش بتضحكتصدق ياض يا خميس انا اكتشفت حاجهخير يا سيدىاكتشفت ان انت السبب فى الفقر اللى انا عايش فيه دهيا سلام يا خويااه والله شوف انا اعرفك من ايام الفراعنه اهوه وطول عمرك نحس وفقرى وجبتللى النحساتخرجنا سوا وقعدنا على القهوه سوا واشتغلنا سوا واتخنقنا سوا يلعن ابو معرفتك يا خىيلا ياض قوم من هنا يلعن ابو اللى جابك لابو اللى عرفنى عليكتشرب حاجه يا استاذ علىغور ياض من قدامى انت كمان بدل مااشرب من دمكياعم براحه علينا مش لما تدفعوا اللى عليكوا الاول ابقوا اتنطاطوا علينا كده زباين تقرف_______________________________________________________________________________فى المكتبما تحلق دقنك يا على انت واجهه برضه للمكتب بتاعىمكتب ايه يا ابو مكتب هو انت فاكر نفسك محامى بجد ولا انا بدرب عندك بجد ده انت محام على ماتفرج يا بتاع قواضى الدعاره ده انت كبيرك تروح تضمن الحراميه فى الاقسام قال واجها قال .انت اعمى ولا ايه ولا عامل نفسك مش شايفياعم غور بمكتبك بقواضيك بسلاطاتك ببابا غنوكك بليله امك السوده عليا النعمه ما انا قاعدلك فى المكتب ابو واجهه دهماله ده اتجنن ولا ايه؟
فى البيتمالك يا على يا بنى بقيت عامل كده ليه؟تعبان ياما تعبان اوىمن ايه يا خويامن الهم والقرف والفراغ اللى الواحد عايش فيه ياما انا نسيت انى شاب نسيت انى بنى ادم اصلا انا حاسس انى بقيت صاموله مرميه فى جردل ميكانيكى ولا ليها اى لازمه مرتبى على معاش ابويا مش مكفينا عيش حاف ياماكل حاجه بتغلى الايجار بيغلى والاكل بيغلى والسجاير بتغلى والموصلات بتغلى الا البنى ادم فى البلد هو الوحيد اللى بيرخص ومش بيبقاله قيمه والنبى سيبنى فى حالى ياما انا مش ناقصلا حول ولاقوه الا بالله يا بنى ربنا يقويك يا ضنايا ويعدلهالكمالك يا على ايه اللى جواك؟مش عارف انا اتغيرت اوى فعلا ةاتغيرت كل حاجه جميله وحلوه جوايا ماتت مبقتش عايز اعيش مبقتش بحلم احلامى اللى كانت اهم حاجه فى حياتى راحت ضاعت فضلت تصغر تصغر تصغر لحد لما بقت حلم واحد بس حلم انى اموت وارتاح وحتى الحلم ده بينغص عليا حياتى لانى مش ضامن اخرتى هو انا عملت ايه لاخرتى اصلا دى حتى الصلاه بالعافيه ياااه لا دنيا ولا اخره ده ايه الغلب ده؟__________________________________________________________________________________على القهوهمساء الفل يا على؟اذيك يا خميس؟الحمد لله عايش هديت يا عم ولا لسه؟متزعلش منى يا خميس بس انت فاهم وشايف الدنيا عامله ايه فى الواحدماهو يا على لكنا فى مركب واحده وكلنا مخنوقين وكفرانين فمش طالبه بقى اننا نخنق على بعض اكتر واكترانا كل اللى معقدنى فى عيشتى يا اخى انى حاسس انى ولا حاجه حاسس انى مليش قيمه يا اخى حاسس ان كل حاجه حلوه جوايا ماتت خلاص .سعيت وجريت وحاولت وبرضه مفيش فايده ومش عارف العيب فمين يا ترى العيب فيا انا ولا فى البلد ولا فى الحكومه وفى مين؟ بس لا يمكن يبقى العيب فيا انت شايف قدامك اهو على القهوه كام شاب قاعد من غير لا شغله و لا مشغله؟ يا ترى بقى كل دول مدورش على شغل كل دول مقصرين فى حق نفسهم يعنىياعم على وحد الله كده وروق طيب اقولك على حاجه تروقك فاكر الواحد مصطفى اللى كان معانا فى الدفعه أشتغل فى شركه سياحه من فتره كده كلمنى امبارح وكان بيقلوى انهم بيطلعوا رحلات وممكن يجيبلنا تخفيض على اى رحله نروح نغير جو بدل مايجلنا أكتئاب ولا حاجهيجيلنا اكتئاب امال اللى احنا فيه ده يبقى ايه؟ياعم انا لاقى اكل لما اطلع رحلات وهى امك مش ناقصه عبطياعم انت اسمع كلامى خلينا نغير جو شويه سيبلى بس الموضوع ده انا هاكلمه كده واشوف الحوار هيرسى على ايه؟_________________________________________________________________________________على القهوهمساء الفل يا علىمساء الطين يا خوياياعم كفايه كأبه وحياه امك بقىطيب اقعد يا خوياعندى ليك خبر بمليون جنيهخييير يا خويافاكر الحوار بتاع الرحله اللى قلتلك عليه؟اه ماله؟انا كلمت الواد مصطفى وقالى ممكن أطلعكوا رحله من غير ولا مليماذاى يعنى؟قالى كل اللى هنتكلفه أجره الاتوبيس بس وهناك بقى اكل وشرب ونوم على حساب الشركه بتاعتهميا سلام اذاى بقى ان شاء اللهياعم هو اكل وبحقله احنا مالنا ياعم انت احنا نطلع وخلاص انت اهبل ياض نطلع وخلاص اذاى مش لازم افهم يعنىياعم هو بيقول ان صاحب الشرؤكه بيودى الاسر هناك عشان يتفرجوا على المنتجعات بتاعته ويقعدهم هناك كام يوم كده عشان يشتروا عندوا كانه نوع من الدعايه يعنى فاحنا هنروح معاهم على اسا اننا من الاسر اللى هتشترى دى ونقعد هناك بقىياعم نفض انا مش ناقص وجع دماغياعم بلاش اكتئاب بقى خلينا نروح نشوف مناظر حلوه ونشم هوا عدل بدل القررف دهطيب الرحله دى امتى؟هيفرق معاك اوى يعنى يا خويا وراك ايه يعنى؟على رأيك ؟طيب الرحله دى فين؟طابا يا معلم______________________________________________________________________________فى الاتوبيس عليا النعمه ياض يا خميس لو مصطفى ده طلع بيشتغلنا لهطلع عين اهلك انت؟ياعم الكئيب انت بلاش التشاؤم ده خلينا نستمتع بقى بالكام يوم دولعارف ياض يا خميس انا بقيت كئيب بالفطرهيعنى ايه يا على؟اصلى قلت ابقى كئيب احسن عشان ما اتصدمش تانى فى اى حاجه فى الدنيا لما حاجه تبوظ اقول عادى مانا كنت عارف كده يعنىيا بنى خلى ايمانك فى الله كبير ونعم بالله يا خميس انا عارف انه كله بأمر الله بس ......؟بس ايهخلاص خلاص احنا طالعين نتبسط كام يوم بلاش كآبه خلينا نغير جومناظر الجبال تهبل خلاص فاضل كام كيلو ونوصل طابا اهوه_________________________________________________________________________________على الشاطئربنا يعمر بيتك يا مصطفى ايه الحلاوه دىمش قلتلك يا عم على الواد مصطفى ده راجلايه يا عم المناظر الجميله دى البحر شكله حلو اوى والجبال اللى حوالينا شكلها يجنن والجو جميييل تعرف ياض ان بلدنا دى اجمل بلد فى العالم والله العظيمامال ياواد مش ام الدنياايه يا عم المايوهات دى ده الشط كله خواجات يا معلماه يا ريس امال ايه؟ماتيجى نظبط ده بيقولك تظبيط الخواجات ده سهل خالصسهل اذاى يعنى ياض؟يعنى هاى باى كلمتين كده يا معلم تبقوا اصحاب على طوللا يا راجلاه والله طيب استنى شايف البت ام مايوه احمر دىاه هاروح اظبطهاطيب ورينى يا بو خميس يا بتاع الخواجات انتيا بن اللعيبه يا خميس الواد ابن العفريته ظبط البت على طول ده باين الحوار سهل اهوهانا هاتمشى شويه على بحر كده استمتع بالمناظر الجميله دى________________________________________________________________________________على صخره يجلس على على صخره يسرح فى البحر ويتحدث اليهيااااااه على الجمال والحلاوه بجد بلدنا حلوه يا خساره يا مصر اتبهدلتى جامد اوى بقيتى مليانه فساد وضياع بالذمه مش حرام اللى بيحصل فيكى دهالله يرحمك يا بابا محتاجلك اوى دلوقتى محتاجلك جنبى نفسى احس ان ليا ضهر اتستند عليه حاسس انى بقيت متنى ضهرى اتحنى حياتى كلها عذاب ووجع العمر جرى بيا قربت من التلاتين ومعملتش اى حاجه فى حياتى المفروض انى بعيش اجمل ايام حياتى للاسف بعيش اسوأ ايام حياتىده ايه الافترا ده اجمل سنين العمر بضيع منى وعقد العمر انفرط حاسس انى بموت بالبطئوفجأه نزلت دمعه من عنيهنزلت دمعه تحاول ان تطفئ نار عذابه ووجعه تحاول ان تبرد بركان غضبه على سنوات عمره الضائعه رحله العمر مليئه بالمواجع لا يوجد بها سوى بصمات من الحزن والالمانا اسفه انى اتدخل بس انا ممكن اساعدك بحاجهينظر وراءه ليجد فتاه قمه فى الجمال وتنظر له بكل عطف وحنيهمتشكر اوى بس انا متأكد انك مش هتعرفى تعمليلى حاجهاحكيلى يمكن يكون عندى حل ولو بسيط ليكيعنى عندك استعداد انه يجيلك اكتئابياه هو الموضوع كئيب لدرجه انه ممكن يجيبلى انااكتئابواكتر من كئيب ده كارثه والمصيبه انه مش مشكلتى انا لوحدى ده مشكله جيل بأكمله ياااه طيب يدايقك انى اقعد واتكلم معاك شويهبالعكس تماما اتفضلى اقعدىانا يا ستى حكايتى تتلخص فى كلمتين بالظبطياااه كل الاكتئاب ده والحكايه كلمتين بساهطيب ايه هما؟انا مشكلتى انى شاب مصرى بسطيب فين المشكله بقى؟ماهو ده المشكله انى شاب محامى مصرىايوه وايه المشكله انك شاب محامى مصرى؟المشكله ان الشاب المحامى المصرى ده بيعانى من اول مابيدخل المدرسه المتخلفه وبيقابل المدرس المتخلف اللى بيطلع عليه كل العقد النفسيه اللى عنده لانه هو نفسه مش مؤهل انه يبقى مدرس ومايعرفش يعنى ايه مدرس اصلا مرورا بقى بالفصل اللى فيه60 واحد وصولا الى الجامعه بقى والدكاتره اللى كل هما انهم يزودوا العقد النفسيه اللى جوانا لحد بقى مايتخرج ويفضل قاعد على القهوه والحياه عماله تمر من قدام عنيه ينسى بقى ساعتها كل احلامه وطموحاته ينسى انه شاب فى سن الافكار والقوه والاندفاع ينسى انه بنى ادم له حقوق وعليه واجباتانا درست الحقوق ومعرفتش اجيب حقوق نفسى عشان كده عمرى ماهاعرف اجيب حقوق الناس والمصيبه اللى اكتشفتها ان بلدنا دى مفيهاش حاجه فيها حقوق اصلا كلها بلطجه وبس من اول سواق الميكروباص البلطجى اللى بيغلى الاجره بمذاجه ومن غير وجه حق لحد اكبر واحد فى البلد اللى بيفرض ضرايب بدون وجه حقالبلد دى مفيهاش حقوق عشان كده لازم يقفلوا كليه الحقوق لانها ملهاش اى لازمهشوفتى بقى اذاى انها تبقى كارثه انك تبقى شاب ومحامى ومصرىتنظر له الفتاه وقد نزلت دمعه عيناها هى الاخرىياه ايه المعاناه دىده المفروض انك شاب يعنى فى سن الفكر والابداع والثورهومحامى يعنى المفروض انك تبقى بتجيب حقوق الناس اللى ضاعت منها وتكون ليك رساله مهمه فى الحياه بلدكوا غريبه اوى بجد ويا ترى ده عيب فى الحكومه عندكوا ولا عيب فى الناس انها مش عايزه تشتغلصدقينى انا عيب الاتنين وهنفضل نقول ده عيب الحكومه ولا الناس لمده ميت سنه قدام لحد ما الكل هيسبقنا وهنفضل كده محلك سر يا ريت حتى نفضل محلك سر ده هما هايطلعوا قدام واحنا هنرجع لورا وهنبقى متخلفين اكتر ماحنا متخلفينالحكومه من مصلحتها ان الشعب يبقى اهبل وعبيط وملخوم فى ميت مليون حاجه ضرايب بقى على قانون اسكان جديد على فواتير تليفوان على بطاله للشباب وعلى شرطه بلطجيه على اسعار بتغلى على اى حاجه تلخم الناس كل فتره فبالتالى بقى الشعب عمره ماهيفكر فى حاجه غير هايعيش اذاى لانهم حرموه من ابسط حقوقه المعيشيه فعمره ماهيفكر غير انه ازاى يجيب لقمه العيش ويدفع الفواتير الكهربا والزباله والتلفون والغاز ويجوز الواد ويستر البت وكفى المؤمنين شر القتال ليذهب الى قبره فى سلام ويبقى ادى رسالته فى الحياه ويموت ذى ما عاش بلا قيمه وملوش اثر فى اى حاجه واللى بقى هايسيب كل ده ويفكر فى اللى بتعمله الحكومه هيسيبه عليه الشرطه البلطجيه ينهشه لحمه ويكسره عضمه ويغتصبوه هو وامه ومراته واخته ذى ما بيغتصبوه حقوقه فى كل وقت وبيحرموه من نعمه انعم الله عليه بيها نعمه العقل نعمه الانسانطيب وانت بتفكر تعمل ايه؟انا خلاص بطلت أفكر انا بتحسر وبسانت اسمك ايه؟على وانتى؟مارجريتانتى منين؟انا ماماتى لبنانيه عشان كده بعرف اتكلم عربىوباباكى؟اسرائيلىأحس برعشه غريبه وانتفض جسده حس انه متلخبط مش عارف يتكلم شعور غريب بين الخوف والخضه والصدمهمالك اتخضيت ليه لما قلتلك ان بابا اسرئيلى؟قومى غورى من قدامى بدل ما أصور قتيل دلوقتىاهدى بس شويه انا مش عايزه منك حاجه كل الحكايه انى شوفت قاعد بتعيط لوحدك شكلك شدنى دى مشاعر انسان لانسان مش اكتر انا مكنتش اعرف انك مصرى ولا هندى ولا باكستانى لما اتكلمت معاك وانا مش عايز اتكلم مع واحده ذيك؟على العموم انا اسفه انى ازعجتك وهاقوم بس قبل ما اقوم احب اقولك ان الاسرائلين دول بشر ذى اى بشر فى الدنيا انا اتولدت لقيت نفسى عايشه فى اسرائيل ولقيت نفسى يهوديه ذيك بالظبط انك اتولدت لقيت نفسم عايش فى مصر ولقيت ان ديانتك الاسلام يعنى ماخترتش حاجه مش ذنبك انك مصرى مسلم ومش ذنبى انى اسرائليه يهوديهلا ذنبك طبعا الفرق اللى بينى وبينك انى اتولدت لقيت نفسى مسلم بس لما كبرت عرف يعنى ايه اسلام وامنت بيه وبمحمد رسوله عرفت انه دين السلام انما نتى رضيتى انك تكونى عايشه فى دوله بلطجيه بتجى على حقوق دوله تانيه وبتقتل فى ولادهاانت عارف انا مواليد سنه 1989 يعنى بقالى 20 سنه عايشه فى البلد دى كلت وشربت ولعبت فى البلد دى ابويا مواليد سنه 1956 يعنى اتولد وعاش فى البلد دى ذيك بالظبط ماينفعش تقول كده ماينفعش تقول بنقتل فى بلد تانيه دى بلدنا احنا كمان حتى لو التاريخ بيقول غير كده واوعى تفتكر اننا كلنا وافقين على اللى بيحص ده سواء اننا نموت حد منهم او هما يمتوا حد مننا احنا كلنا بشر وبنكره اننا نموتانتى عيايزه منى ايه دلوقتى؟انا مش عايزه منك حاجه؟ انا كنت عيزه اتكلم معاك بس مش اكتربعد اذنك انا مش عايز اتكلم مع واحده عايشه على ارض مليانه بدم الاطفال اللى بتدبح كل يوم واحده بتاكل من خير ناس تانيه بتشرب من ميه مش من حقهاانا لو اقسمتلك انى بعيط كل يوم على اى طفل بيموت من الفلسطنين او من الاسرائلين ممكن ماتصدقنيشلو بتتكلم على الاكل والشرب انت ممكن تسال الفلسطنين احنا بنتعامل معاهم اذاى كبشر مش كحكومات احنا بندفعلهم فلوس تمن شغلهم واكتر عشان عارفين ظروفهم وبنشغلهم معنا فى كل حاجهلاو الله طيب كتر خيركم انكم بتعملوا كدهممكن أسألك سؤال؟اتفضلىهو انت بتتكلم بعصبيه ليه كده؟انا بكلمك بمنتهى الهدوءلانكم انتوا عالم بارده اصلالا لاننا عارفين يعنى ايه اسلوب حوار عندنا حاجه أسمها ثقافه الحوار مش همجيه وشعارات وصوت عالى وخلاصطيب سالتى سؤالك خلاص ممكن تتفضلى بقىتتركه وحيدا مشحون بكثير من العواطف الوطنيه أحس انه ينتقم لكل طفل عربى أستشهد أحسن انه ياخذ بتار كل عربى اهدر دمه أحس انه ياخذ حق العرب من هؤلاء القرده والخنازير ولكن.............اليسوا بشر مثلا يتأثرون بما يحدث اليسوا يردون ان يوقفوا هذه الحرب وهذه النزاعات ؟؟؟؟؟؟؟؟________________________________________________________________________________فى الفندقايه يا على مالك سرحان كده ليه؟مش عارف يا خميس حاسس بالضياعيا ابن الكئيبه بقى كفايه تعالى معايا دلوقتى ونا هظبتكهتظبطنى اذاى يعنى؟البت اللى اتعرفت عليها هتجيب صاحبتها وتسهر فى الديسكو النهارده رقص ودلع ومليطه للصباح الباكر يا معلمعليا النعمه انت شاب أهبلياعم أهبل فكك بقى من الحوارات اللى فى دماغك دى خلينا نعيشلنا يومين مش بيتكرووا فى العمر أصلا دى فرصه يا اهبل انتياعمفرصه ايه الله يخرب بيت هبلك فرصه اننا نعك مع خواجات انت عبيط ياضخليك ما انت عيل نكدى اصلكياعم مش نكدى ولا حاجه بس ملوش لازمه يعنىياعم تعالى لقيت الجو مش عاجباك قول انك تعبان وأمشى ماتكسفنيش بقى البت هاتجيب صاحبتهاطيب يا خويا يلا بينا
فى الديسكوروق يا علولاه وخلينا نهيصماشى يا بو خميسقابل يا معلم ايه رايك بقى فى الموزتينمارجريت تانى؟انت تعرفها انت اللى تعرفها منينياعم انا معرفهاش انا اعرف صاحبتها اللى معاها دى اللى اتعرفت عليها الصبح اسمها لويزا امريكيه وقالتلى انها هاتجيب صاحبتهاانت بقى تعرف صاحبتها دى منين يا نمس انت يا نمسنمس الله يخرب بيتك على بت سنينكياعم بطل بوز امك الفقر ده تعالى لويززززززززا هاى اعرفك صاحبى على؟وانا اعرفكم صاحبتى مارجريتهاى يا على اذيكاذيك يا مارجريتايه ده انتوا تعرفوا بعض قبل كدهاه اتعرفنا على البلاج النهاردهطيب كويس اوى تعالوا نرقص بقى كلنا مع بعضلا انا مش هارقصليه كده يا عيلوهروحوا انتوا انا هاقعد على الترابيزهخلاص يا لويزا روحى انتى وخميس وانا هاقعد مع على_____________________________________________________________________________على الترابيزهانت ايه حكايتك بقى؟انا برده انتى اللى شكلك بتراقبينى كدهماتبطلوا بقى الحركات دى طول عمركم فاكرين نفسكم مهمين اوى والعالم كله حاطط عينه عليكمطبعا مهمين غصب عنك وعن اهلك كلهم وكل العالم عينه علينا واكبر دليل ان كل الحروب عندنا او حواليناطيب هدى اعصابك كده انت بتتنرزفز بسرعه اوى تشرب حاجهلا شكرا مش عايز لو سمحتى ممكن اقعد لوحدىطيب ممكن انا اقولك حاجهخيرهو انت فاكر انك كده بترد كرامتك المهدوره ولا حقك المسلوب ولا بترفعك مناخيرك المكسوره؟فاكر لما تتكلم معايا بالطريقه دى تبقى اخدت تارك يعنىفاكر لما تعامل واحده بالطريقه دى تبقى بتشتم كل الاسرائليين ولا ايهفاكر لما تعمل كده وتروح بقى تحكى لصحابك على اللى انت عملتوا هايعملوا منك بطل ويحتفلوا بيك بقى ولا ايه؟ياااااااهده سورى يعنى تفكيرك محدود اوى بتفكر تحت رجليك اوىانت فاكر لما تعمل كده الحرب هتقف مثلا ولا فلسطين هتبقى بلد ولا القدس مش هتبقى يهوديه ولا الاطفال مش هتموت ولا كرامتكم هترجع ولا هتبقوا محترمين ولا هتبقوا بنى ادمينلااااااااااااااااده انت غلطان اوى مفيش حاجه هتتغير كله هيفضل ماشى فى طريقه الحرب هتفضل ماشيه ومستمره والايستيطان هيزيد والقدس هتبقى يهوديه والاطفال هتموت وهتفضلوا مذلولين وهتفضلوا مكسورين وهتفضل الحرب بينا وبين العرب وبين حماس وفتح وبين امريكا والقاعده و هيفضل العالم كله بيدور على بن لادن وهتفضلوا انتوا متخلفين اكتر من الاول وهتفضل انت ذى ما انتهتموت ذى ما عشت بلا قيمههنا يضربها على بالقلم على وجههاولكنه لم يكن يضربها هى بل كان يضرب فيها قل ماقالته عندما أحس انها من الممكن ان تكون الحقيقه _____________________________________________________________________________فى الحجره فى الفندقالله يخرب بيتك يا مارجريت الله يخرب بيتك يا خميسالله يخرب بيتك يا مصطفى يالى طلعتنا الرحلهمانا كنت قاعد فى حالى ومصدر الطارشه ومكتئب وذى الفل بقول كلمتين خايبين على القهوه واروح اشرب الشاى باللبن وانام وأصحى تانى يو م أدور فى الساقيه ومتكلمش وان فكيت بكلمين ببقى فى حالى ايه الكلام اللى البت دى قالته ده دى فاهمانى اوى وحسانى اوى دى شيطان انا هامشى بكره الصبح ان شاء الله انا هارجع مصر تانىامال انا فين؟___________________________________________________________________على البحرمع السلامه يا بحر انا هاسافر كمان شويه كانوا اغرب تلات ايام فى حياتى معتقدتش انهم هيتكرروا تانى اللى شفته ده كفايه مارجريت دى مش عارف مالى بقيت متلغبط ليه كده؟حاسس ان الدنيا بتدور حواليه حاسس انى صغير اوى هو انا عبيط ولا أضحك عليا ولا أضحك علين كلنا ولا احنا كلنا عايشين فى وهم كبير وتمثليه كبيررره هو فيه ايه؟دول عارفين كل حاجه عننا عارفين كل حاجه ده انا عشت عمرى كله فاكر انى بنى ادم وان ليا حقوق لحد ما أكتشفت انى مش بنى ادم ومليش حقوق ودلوقتى بكتشف انى بنى ادم وحقوقى مسروقه منى بس اسؤال هو انا اذاى ممكن ارجع حقوقى اللى سررقها منى اعدائى برغم ان اهلى سارقين حقوقى يبقى عمر حقوقى ماهترجع من اللى بره مدام مش واخد حقوقى من اللى جواوعمرى ما هاقدر اخد حقوقى من اللى جوا مهما عملت فيها بطل لانى هاخسر كتير اوى هاخسر ادميتى وهاخسر اهلى وناسى ويمكن أخسر حياتى اللى انا اصلا بدور على حقوقها الله يخرب بيت الحقوق على سنين الحقوق انا مش عايز حاجه غير ابسط الحقوقعايز امشى فى شارع مفهوش بلطجيه عايز احس انى فى امان عايز امشى فى شوارع مش مليانه مطبات ولا فيها اشارات عايز ادخل اقضى مصالحى بسهوله وادفع الفاتوره من غير ماادفع رشوه معاها عايز احس انى لو عملت محضر لعجله مسروقه أحس انها ممكن ترجع عايز احس انى مكن اخد حقى فى وقت ماهو اذاى بس هنرجع حقنا فى القدس واحنا مش واخدين حقنا فى بلدنا______________________________________________________________________________-بعد ثلاث سنوات من الرحلهالو اذيك يا خميسالو مين معاياانا على يا خميسيااااااه اذيك يا على كويس انك لسه فاكر ان ليك صاحب اسمه خميس تسأل عليه؟معلش يا خميس غصب عنىغصب عنك ليه بقى ان شاء اللهالحياه بقت سريعه اوىانت اختفيت فين يا على؟انا فى ارض الله الواسعه يا خميسانا سمعت انك جيت البيت عندكوا من كام شهر كده وزرت امك ورحت لأختكاه فعلا ومجتش لاخوك ليه بقى ان شاء الله بقيت بتستعر منى ولا ايه؟لا والله مش الفكره يا خميس بس انا عارف كويس انك مش هتتقبل اللى انا عملتهانت عارف انك صاحبى الوحيد فهمنى بقى ؟انت فين وعايش فين وبتشتغل ايه؟انا فى اسرائيل يا خميس بشتغل فى شركه لصناعه الملابس فى أداره الشئون القانونيه اتجوزت مارجريت اللى كنا قابلنهاها فى الرحله بتاعه طابا وعندى دلوقتى ولدين ذى القمر منها عندى مزرعه بتاعتى وبيت صغير محندق كده بجنينه ومرتبى الحمد لله كويس اوى ومكفينى ومخلينى ادخل الولد الكبير مدرسه محترمه وباكل اكل نضيف اوى من غير كيماوى وبشرب ميه نضيفه اوى من غير مياه صرف وبمشى فى شوارع نضيفه من غير تكاتك وسواقين بلطجيه وأمناء شرطه حراميه عندى عربيه وليا مكتب تصدق انى بقيت انسانتصدق انى بقيت بفكر كويس اوى والحمد لله ناجح كويس اوى فى شغلى تصدق انى بنزل مصر فى اى وقت انا عايزه وبتعامل فى مصر بطريقه فوق العاده طريقه سوبر الاحترام من اول المطار والراجل بتاع الجوازات لحد اصغر عسكرى فى البلد تصدق انى بقيت انسان انت بعت القضيه يا على خلاص؟هههههههه بلاش كلام كبير يا خميس انت مش فاهم معناه دلوقتى يا خميس بقى فيه حاجه اسمها تطبيع يعنى علاقات مشتركه بين البلدين يعنى الفاكهه اللى انت بتاكلها دى ما هى اسرائيلى والشامبو اللى بتغسل بيه شعرك ماهو اسرائيلى والغاز بتاعتنا ماهو شغال عندهم الله ينور وفيه سفير مصرى فى تل ابيب وسفير اسرائيلى فى القاهره والرئيس ووزير الخارجيه ماهو بروحوا هناك ووزير الخارجيه بتاعهم ما بيجى هنا اشمعنى احنا بقى لما بنروح هناك بتبقى حاجه بنستغربلها اوى على فكره بقى انا قابلت مصريين وعرب كتير اوى عايشين هنا فى امان اكتر بكتير اوى من اللى كان فى بلدهم وبرغم اننا كلنا عارفين انهم بيعملوا كده معانا لغرض ما فى نفسهم بس ده اهون علينا من اللى بيعملوا فينا فى بلادنالو قامت حرب يا على هتحرب ضد مين؟ههههههههه يا بنى حرب ايه انت ماسمعتش الرئيس حسنى مبارك قال ايه؟ قال مفيش حروب تانى خلاص بينا وبين اسرائيل واحنا ماضين اتفاقيه سلام ملتزمين بيها ذى ما الاسرائليين ملتزمين بيهاطيب افرض انه قامت حرب؟عمرى ما هافرض حاجه مستحيله كأنك بتقولى افرض ان طلعلك جناحات حاجه خياليه لا يمكن تحصل فبالتاالى لا يمكن اشغل بيها دماغى انا عندى حاجات اهم بكتير اوى اشغل بيها دماغىانت مش خايف تموت عندك؟لا مش خايف يا خميس لانك مش متخيل ان هنا بجد فيه ديموقراطيه عامله اذاى؟ انت تعرف ان اسرائيل خدت الدوله رقم واحدفى اختبار الشفافيه طيب انت عارف ان اسراءيل فيها أكثر من 220 ألفا مصرى حاصل على الجنسيه الاسرائليه ومتزوج وعايش هناك فى سلام وبينزل مصر فى اى وقت هو عايزهيعنى انت رأيك ان كل الناس تروح على اسرائيل؟ لا طبعا يا خميس انا عمرى ماكنت اتخيل انى اروح هناك او اشتغل هناك او اتجوز هناك او اعيش هناك او اخلف هناك بس انا عايز اعرف الفرق الكبير ده حصل ليه؟انت عارف ان عندنا هنا فى اسرائيل نكته مشهوره اوى بتقول ان كان فيه مره مصرى كان جاسوس لاسرائيل على مصر وفضلت المخابرات المصريه مراقباه لمده 25 سنه وهما شاكين فيه بس الغريب ان الراجل كان كل يوم يروح الشغل ويروح ويربى ولاده وكله تمام معندوش اى حاجه غريبه ولما قرب يموت راحولوه بتوع المخابرات قالولوا بص احنا عارفين انك كنت شغال جاسوس بس عمرنا ما عرفنا نسك عليك حاجه راح الراجل قالهم صح انا كنت جاسوس بس انا كانت مهمتى حاجه واحده بس هما قالولى انت مهمتك بسيطه خالص انت تعيش حياتك عادى جدا وتمارس عيشتك بطريقه طبيعيه جدا بس لما تيجى تعين حد فى الشغل تعين أسوأ واحد يعنى مثلا هتعمل انترفيو لتلات اشخاص اختار اسوا واحد فيهم وهو ده اللى تعينوا وهكذا كل ما تطلع درجه تعين اللى تحت منك اسوأ وهكذا لحد ما فى ال25 سنه دول بقيت انا وكيل وزاره فلك ان تتخيل ولك ان تتخيل ايضا فيه كام واحد ذىانا بس يا خميس عايز اقول لكل واحد ذى الراجل اللى فى النكته ده أتفووووووووووووووووووووووو
عمرو سامي
